КӨРӘШЧЕЛӘР СӘХНӘДӘ ДӘ БЕРЕНЧЕ

Таныш булыгыз: Россия беренчелегендә Татарстан көрәшчесен медальсез калдырган Чувашия егете – Инсаф Хәкимов! Ни гаҗәп, келәм читендә түгел, сәхнә артында якыннан таныштык үзе белән. Бар яктан да талантлы без, дип елмаеп сәламләде безне Инсаф.

Ишеткәнегез бар микән, яшь талантларны барлау, балалар арасында милли театрга хөрмәт уяту, аны таныту максатыннан Буада ел саен “Ният” татар балалар театр коллективлары фестивале үткәрелә. Буа дәүләт драма театры оештыра аны. Быелгысының йомгаклау турына Чувашия Республикасы Батыр районы Татар Сыгыты мәктәбенең “Яшьлек” коллективы да үткән. Инсаф шул мәктәпнең 10нчы сыйныфында белем ала икән.

– Актив тормыш алып барабыз. Спектакльләр куябыз, укырга һәм спортка да вакыт кала, – ди Инсаф. – Төп шөгыль, әлбәттә – көрәш.

...Исегездә булса, 15-17 март көннәрендә Казанда үсмерләр арасында көрәш буенча Россия беренчелеге узган иде. 15-16 һәм 17-18 яшьлек көрәшчеләр бил алышты анда. Татарстан көрәшчеләре 18 мөмкинлектән 13 алтын медаль яулады, ярышта катнашкан бер генә көрәшчебез призерлар арасына керә алмаган иде. Менә шул Татарстан көрәшчесен, Актаныштан Айнур Мирзаяновны, медальсез калдырган егет тә икән әле безнең Инсаф.

– Иң көчле көндәшләрнең берсе булгандыр ул. Җирәбә шулай туры килде – икенче әйләнештә үк очраштык. Нишләтәсең, келәмдә көчлеләр җиңә. Бу минем иң зур җиңүләремнең берсе булды.

Театр фестиваленнән дә җиңү белән кайтып китте Чувашия әртистләре. Кәрим Тинчуринның “Казан сөлгесе”н сәхнәләштергән алар. Мишәрләргә хас чаялыклары сәхнәдә үзләрен иркен тотулары, җырга осталыклары үз нәтиҗәсен бирде – коллектив 1нче урынга лаек булды.

Фәрит Салихов

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1795
    0
    13
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1132
    0
    5
  • 19 июль 2020 - 02:17
    ТӨССЕЗ ДӨНЬЯ Шулай үз дөньяма чумып, автобус тукталышына җиткәндә, бер егеткә килеп төртелдем. Колагымдагы наушниклар җиргә төшеп киттеләр. Аларны алырга үрелгәндә, егетнең агач шикелле басып торуын күреп: – Күзең күрмиме әллә? – дип сукрандым. Эчемнән шушы сүзләр өчен үз-үземне сүксәм дә, уйларымнан нәүмизләнеп, кәефем кырылган чак иде. – Күрмим, – диде егет тыныч кына.
    1053
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019