ХОККЕЙ БӘЙРӘМЕ - ТАТАРСТАНДА!

Татарстан хоккей сөючеләре өчен үтә дә шатлыклы хәбәр, җәмәгать! Юк, "Ак Барс" белән "Нефтехимик" татар егетләреннән генә тормаячак, юк, Гагарин кубогын да уенсыз-нисез генә "Ак Барска" тапшырмадылар. КХЛ рәсми Твиттеры хәбәр иткәнчә, 2019 елда Лиганың бөтен йолдызлары уены Казанда узачак!!!



Татарстан спорт сөючеләрен Россиянең иң оста, иң абруйлы хоккейчылары катнашында Йолдызлар уены, мастер-шоу (уенчылар уенның төрле элементларындагы осталыкларын күрсәтә, көч сынаша), МХЛның Чакыру Кубогы уены, ЖХЛ (Хоккей буенча Россия Хатын-кызлар лигасы) Йолдызлары уены шатландырачак. Казан әлеге уенны кабул итү хокукына Хельсинки, Магнитогорски, Омскины узып, ия булган.

Киләсе матч Лига тарихында инде 11чесе булачак. Аларда иң еш катнашкан уенчылар булып Сергей Мозякин (8 тапкыр) һәм хәзерге вакытта НХЛда уңышлы чыгыш ясаучы Александр Радулов (7 тапкыр) торалар. Сакчы, “Ак Барсның” элеккеге капитаны Илья Никулин 5 тапкыр чакырылган. Очколар саны ягыннан да Мозякин белән Радулов барысын уздырган; беренчесе – 30 (22 алка+8 передача), икенчесе – 23 (5+18) балл җыйган.

Күңелле яңалыклар белән бергә, Лига күңелсезләрен дә хәбәр итә – 2018/19 елгы сезонда КХЛда Рәсәй хоккееның аксакалы, атаклы “Лада” командасы һәм Ханты-Мансийскның “Юграсы” булмаячак – төрле бәяләү критерийлары буенча төзелгән рейтингта соңгы ике урынны әлеге командалар алган, нәтиҗә – КХЛдан төшереп калдыру. Шулай итеп, киләсе сезонда Лигада 25 команда чыгыш ясаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1309
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    438
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    409
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019