БУ БЛОГЕРНЫ БЕЛӘСЕҢМЕ ӘЛЕ?

Һәркемнең дә игътибар иткәне бардыр, Ютуб һәм Инстаграмда көннән-көн үзен “блогер” дип санаучылар саны артканнан-арта бара. Кем ничек булдыра ала, шулай кылана: үзләрен һәм хәтта эт-мәчеләрен төшерүчеләр дә җитәрлек.

Тулы исеме: Сөнгәтуллина Аделина Ирек кызы;

Туган көне: 20.09.2001;

Уку урыны: 18нче номерлы  мәктәпне тәмамлаган;

Instagram: @adelinkasmile

YouTube: Adelinka Smile

Бүген таныштырасы кызыбыз Ютубта барлык төр видеоязмаларны да урынлы дип саный. Үзе дә төрле форматта төшерергә ярата Аделина. Яшь блогер социаль челтәрләрдә Аделинка Смайл буларак таныш. “Ни өчен Аделинка Смайл? Җавап бик гади: русчага тәрҗемә иткәндә Аделинка-улыбка, рифмага туры килеп тора бит”, - ди кыз үзенең тәхәллүсе турында.

Аделина Интернет киңлекләренә 2013нче елның декабрь аенда кереп килә. Каналының күп өлешен видео күзәтүләр алып тора: киемгә, бизәнгечләргә... Хәзерге вакытта Adelinka Smile ның  Ютубта  32 меңгә якын язылучысы  бар (күбесенчә кызлар), ә Инсаграмда бу сан күпкә азрак, нибары 4500 чамасы. Казан кызының видеоязмаларын караучылар саны 18 меңнән алып 52 меңгә кадәр җитә!


– Ютуб белән Инстаграмдагы аудитория арасында аерма сизеләме?

Кызык, тик мин бернинди аерма да күрмим. Ике мәйданчыкта да минем язылучыларым чиксез әйбәт һәм эчкерсез! Шуннан чыгып, басмаларым астында тискәре комментарийлар да очраганы юк.

– Аделина, ә видеолар төшерү белән син кайчаннан кызыксына башладың? Дөресерәге, моңа  нәрсә этәрде?

-Миңа  кешеләр белән сөйләшү-аралашу бик ошый, каналны ачып җибәрүгә иң төп сәбәп шул булгандыр, мөгаен. Шулай ук үз тормышымда булган вакыйгаларны, хис-кичерешләремне башкалар белән бүлешергә яратам... Видеоязмаларны 12 яшьләр булганда төшерә башлаганмындыр, төгәл генә хәтерләмим.

 


 

– Иҗади кризис булганы бармы синдә?

– Юк, әмма бик төшерәсем килеп тә, видеоны төшермичә калган чакларым булды. Бу бары тик мөмкинлекләр булмау белән генә бәйле.

– Үз каналыңны ачып җибәргәндә авырлыклар белән очрашырга туры килдеме?

– Кыенлыклар бары тик монтаж белән генә килеп чыкты, дөресрәге, видеоларны монтажлый белмәү белән. Шулай ук баштарак тәнкыйтьне дөрес кабул итми идем...

–Үзең Ютубта кемнәрне күзтеп барасың? Татар блогерларының  иҗаты белән танышмы?

– Мин күп кенә блогерларның иҗаты белән танышып барырга тырышам. Мәсәлән, яратып карый торган каналларым арасында Катя Адушкина, Юлик һәм Xo life та бар. Татар блогерларына карашым уңай, алар да үсештә дип уйлыйм. Тик аларны, кызганыч, сирәк  карыйм...


Аделина, ә керем бармы әлеге хоббидан?

– Зур керем бар дип әйтә алмыйм, әмма мин бартер буенча рекламалар ясыйм, ә бу отышлы. Әйтик, миңа бер оешма бизәнгечләр җибәрә, ә мин аны үз чиратымда видеоларымда кулланам...

– Киләчәккә планнарың ниндирәк? Белгәнемчә, син рәсемнәр дә ясыйсың. Бу өлкә буенча китәргә уйламыйсыңмы?

– Әйе, мин быел сәнгать мәктәбен тәмамладым, тик бу юнәлеш буенча әлегә юлымны дәвам итәсем килми. Мораль һәм физик яктан да талчыктым... Киләчәктә үземне рухи яхтан үстерү белән шөгыльләнәсем, төрле яклап үсәсем килә!

“Блогерларның артып китүен тискәре күренеш дип әйтмәс идем. Үз иҗатыңны башкаларга күрсәтү, үз аудиторияңне яңа контент белән куандырып тору рәхәт бит ул!” – диде Аделина әңгәмә ахырында.

 

Аделинага үз тәхәллүсе бик тә килешә, кызның йөзендә гел елмаю! Без исә яшь блогерга күп язылучылар, текә контент һәм иҗади уңышлар теләп калабыз.

Илүзә Касыймова

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4756
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2805
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2407
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1840
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1545
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    102
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019