РОНАЛДУ ФАНАТЛАРЫ: БАРСЫНА ДА ӘЗЕР! /ВИДЕО/

Шаккатмалы, Роналду фанатлары автограф алыр өчен әллә нәрсәләр эшләргә риза!

Танылган футболчы Казанның “Рамада” кунакханәсенең 506нчы бүлмәсендә яши. Португалиянең футбол командасы кунакханәнең өске ике катын били. Аларның кайберләре бизнес-класслы бүлмәгә урнашса, кайберләре – люкста. Роналду фанатлары да йоклап ятмый: “Рамада” төбен көн-төн саклый. Моның турында “Бизнес Онлайн” газетасы хәбәр итә.



Иртәгә, 18 июнь көнне, Казанда Конфедерацияләр Кубогы матчлары башлана. Аның беренчесе Мексика белән Португалия арасында булачак. Португалия футболчылары Казанга берничә көн элек килеп төште. Алар үзләренең шеф-поварлары һәм су-шефлары белән килгән.

 

Роналдуның җанатарлары көн саен танылган футболчының ишектән чыкканын сагалап тора. Аны фотога төшерә, плакатлар күтәреп тора. Футболчыларны лифт янында шәхси сакчылары, ФСБ хезмәткәрләре саклый. Роналду бүлмәсенең тәрәзәләре Криштиану Роналду граффитисы төшерелгән бинага карап тора.



Ни кызганыч, футболчы җанатарлары белән селфига да төшмәгән. Бары тик 16 июнь көнендәге күнекмәләрдән соң, ул җанатарларына беренче тапкыр автографлар өләшкән. Бер җанатарның паспортын хәзер Роналду кулы бизи: малай автографын паспортына куйдырткан! Чөнки кул астында башка әйберсе булмаган!

[embed]https://www.youtube.com/watch?time_continue=8&v=hSSqQuq42co[/embed]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: