ПЕТЕРБУРГТАН ВЛАДИВОСТОККА - ВЕЛОСӘЯХӘТ

Кул-аяк чукларыннан мәхрүм Алексей Костюченко Россия буйлап сәяхәте вакытында Татарстанга да сугылган.

Волгоградта яшәүче 58 яшьлек Алексей Костюченко Санкт-Петербургтан Владивостокка велосәяхәткә чыккан. Алексей кул-аяк чукларыннан мәхрүм. Әлеге хәл 2001 елда Сургут паркларының берсендә була: исерткеч эчемлекләр эчү белән мавыккан Алексей кар көртенә егылып кул-аякларын өшетә. Табиблар аның гомерен саклап кала алалар, әмма кул-аяк чукларын саклый алмыйлар.

«Рәтсез яшәү рәвешем аркасында мин менә бу хәлгә төштем”, - ди Костюченко үзе. Бүгенге көндә “инвалид кешеләргә юллар ябык” стереотипын җимереп, Алексей 10 мең километрга сузылган 2 еллык сәяхәткә чыккан. Аның инвалид коляскасы велосипед белән берләштерелеп ясалган.

7 июнь көнне Алексей Чаллы шәһәре аша үтеп, шәһәр читендәге кунакханәдә төн уздырса, бүген ул М-7 трассасы буйлап Уфага юл алган. Аннан соңгы маршруты түбәндәгедән гыйбарәт булыр дип көтелә: Екатеринбург-Омск-Красноярск-Иркутск. Кыш көне ул тәнәфес ясарга, аннан Ерак Көнчыгышка таба юл алырга планлаштыра.

Зилә Сабитова әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    689
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    544
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    342
    0
    0

Блоглар