КАНИКУЛЫН ХИМИЯГӘ АЛЫШТЫРГАН

“3 ай уза да китә, каникуллар сизелми дә кала, менә тагын август җитте”, дип  зарланып утырып торасыңмы? Казан егете Робертның каникуллары әле башланмаган да! Ял итмичә нишләп йөри ул, дисеңме?

15-22 июль көннәрендә Якутиядә “Туймаада” дип исемләнгән XXIV Халыкара олимпиада булып узды. Катнашучылар математика, физика, химия һәм информатика фәннәре буенча сынау узды. Татарстаннан бу бәйгедә 8 укучы катнашты, шуларның 5се - җиңү белән кайтты. Химия фәне буенча абсолют җиңүче булган Казан егете Роберт Мөстәкыймов белән “Ялкын” журналы сөйләште.

Кайдан: Казан
Укый: Казанның 131нче лицее
Сыйныфы: 9ны тәмамлаган
Кызыксынулары: химия, физика фәннәре, актив ял
Гел үзе белән йөртә: телефон, рюкзак


 

- Еш кына кешеләрне гуманитар фәннәрне яхшы үзләштерүче (гуманитарий) һәм төгәл фәннәрне яхшы үзләштерүчеләргә (технарь) бүлеп йөртәләр. Сиңа төгәл фәннәр якынрактыр, ә гуманитар фәннәрне яратып үзләштерәсеңме?

- Әйе, мин үземне “технарь” дип саныйм. Бер “4”лем бар, анысы да рус әдәбиятыннан. Шулай да төгәл булмаган фәннәрне начар беләм дип әйтмәс идем. Уку дәверендә күбрәк химиягә басым ясалса да, калган дәресләрнең берсен дә калдырмыйм.

- Әлеге олимпиада турында сөйләсәң иде.

- Бу олимпиадада теләгән һәркем катнаша ала. Россиянең төрле регионнарыннан да, башка илләрдән дә егет-кызлар булды. Иң зур делегация Казахстаннан иде. Безнең төп көндәшләр дә шулар булды. Химия фәненнән 2 тур уздырылды: теоретик һәм практик. Теоретик өлештә биремнәр эшләргә кирәк булса, практик өлештә без химик тәҗрибәләр үткәрдек.

- Ял итәргә вакытың каламы?

- Хәзер җәйге каникуллар, вакыт бераз күбрәк. Олимпиада зур әзерлек таләп итте, аңа әзерләндем. Тиздән Сочида узачак “Сириус” дип исемләнгән белем бирү үзәгенә китәм, анда химия фәне буенча смена узачак.

- Киләчәктә үзеңне химия белән бәйләргә уйлыйсыңмы?

- Әлегә кем булачагымны төгәл әйтә алмыйм. Тик һөнәремнең химия белән бәйле булачагында шик юк.



Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2492
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1974
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    618
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019