Елый торган блогерны волейболчы кунакка чакырган

Популяр видеоблогер булу өчен ни кирәк? Яшь тә, очрашуга язылучыларың килмәве дә комачауламый. Чөнки бу факторлар, киресенчә, популярлыкка илтә ала торган юл. Түбән Кама шәһәрендә яшәүче Алинә белән дә шулай була.

Хәтерлисеңдер, "Youtube" каналында "Лайк TV-шоу" видеоблогын алып баручы Алинә, елап утырган видеоролигыннан соң популяр булды. Ул 2 ноябрь көнне үзенең язылучылары белән очрашу планлаштыра. Ләкин ышандыруларга карамастан, очрашуга беркем дә килми. Шуннан соң блогер кыз видео яздыра. Анда елый-елый очрашуга беркем дә килмәвен сөйли. Кызга танылган блогерлар теләктәшлек күрсәтә. Нәтиҗәдә, аның видеосы 5 миллион тапкыр карала. Алинәнең каналына 400 мең кеше языла.

https://www.youtube.com/watch?v=oP00fyh7lyg

Ниһаять, Казанда Алинә фан-очрашу уздыра. Аны үткәрергә танылган волейболчы Екатина Гамова булыша. Очрашу "Санкт-Петербург" волейбол үзәгендә үтә. Алинә әнисе белән бергә Казанга 18 ноябрьдә килә. Екатерина Гамова алар өчен Волейбол үзәгендә экскурсия уздыра.

- Алинә һәм аның әнисе, кызның дуслары белән бергә очрашуда таң калды. Команданың чишенү бүлмәсен күрсәтү алар өчен гаҗәп яңалык булды, - ди Екатерина.

Блогер һәм волейболчы волейбол темасына ясалган рәсем конкурсының җиңүчеләрен атап, аларга бүләкләр дә тапшырганнар.

Түбән Кама блогерларга бай як, ахрысы. Чөнки Татар малай булып танылган Ринат Галиәхмәтов та — бу шәһәр егете.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
БЕР ТЕЛЕМ ИПИ
1106
0
0
Иҗат
ГОМЕРЛЕК САБАК
1319
0
0
Иҗат
«УТКИН МУЖ»
1368
0
0