"ЭКОКИЛӘЧӘК": ТАБИГЫЙ БАЙЛЫКЛАР КЕМГӘ ГЕНӘ ҖИТӘЧӘК

Дустым, син автобуста биргән билетны җиргә ташлыйсыңмы, әллә чүплеккә ыргытасыңмы? Фатирдагы суыңны сакчыл рәвштә кулланасыңмы, әллә рәхәтләнеп агызасыңмы? Экологик акцияләрдә теләп катнашасыңмы, әллә качу җаен карыйсыңмы?

Шушы сорауларга биргән җавапларың буенча да синең экологиягә булган мөнәсәбәтеңне белергә мөмкин. AIESEC дип аталган Халыкара яшьләр оешмасы Казанда «Экокиләчәк» проектын башлап җибәрә. 10 июль – 20 август аралыгында узачак проект Россиядә Экология елы уңаеннан тормышка ашырыла. Анда дөньяның 13 иленнән волонтерлар катнаша.

«Экокиләчәк» проекты да табигый байлыкларны сакчыл рәвештә куллануны популярлаштырырга тели. Бу – Берләшкән милләтләр оешмасы үсешенең 12нче максатына ирешү юлы.

Инде бүген үк проектның партнерлары рәтенә Казанның күп кенә вузлары килеп кушылган. Алар арасында КДЭУ, КИТТУ (КХТИ), КИТТУ-КАИ бар. Шулай ук Summer English Language Camp лагере, «Будет чисто» экология хәрәкәте дә кушылган. 6 атна дәвамында чит ил волонтерлары экологик инновацияләр, үз илләрендә тормышка ашырыла торган проектлар турында бәян итәчәк. Шулай ук материалларны икенче тапкыр куллану буенча мастер-класслар да күрсәтәчәк.

Хәер, волонтерларның төп максаты үз илләрендәге хәлләрне сөйләү генә түгел. Алар Казанда һәм Татарстанда экология, ресурсларны саклап калуга багышланган чаралары турында яктыртачак. Шулай ук волонтерлар көндәлек видеоблоглар да алып барачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    735
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    646
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    492
    0
    0

Блоглар