БҮГЕН СЕРГЕЙ ЕСЕНИН ТУГАН!

Бүген каеннарга барып сарылырга, чәчәкләрне үбәргә, чишмәләргә зарларыгызны сөйләргә ярый. Чөнки бүген -  20 гасыр рус шигъриятенең иң күренекле шагыйрьләрдән берсе булган Сергей Есенин туган көн! Ул 1895 елның 3 октябрендә Россия империясенең Рязанская губерниясендә, Константиново авылында дөньяга килгән. Ә 1925 елның 28 декабрендә Санкт-Петербург (ул чакта Ленинград) шәһәрендә вафат була. Татарча тәрҗемәләре шактый. Менә, кабул итеп алыгыз.


ТЫ ЖИВА ЕЩЕ, СТАРУШКА?

Син тересең, сөекле әнкәм,
Мин дә теремен. Сиңа сәлам!
Чатырдагы кояш яктылары
Кичен бүлмәләрне яктыртсын.

Миңа язалар - борчуыңны яшереп,
Кайгырасың икән мине уйлап.
Юлга да чыгасың кай вакытта,
Иске, модасы беткән жилетта.

Кайчак төндә, караңгылыкта,
Төшеңә әллә ниләр керә икән.
Кабакта, түбәләш вакытында,
Кемдер миңа пычак суга икән...

Ярый, син борчыла күрмә, әнием!
Ул төштәге генә күңелсезлек.
Мин алай ук исереп, эчеп йөрмим,
Сине күрмәстән үлеп китерлек.

Әледә буйлы, ягымлы элеккечә,
Хыялланып уйга биреләм -
Сагынудан тизрәк баш күтәреп,
Үзебезнең тәбәнәк өйгә житсәм.

Кайтырмын, жәелгәч ботаклары
Матур булып жимеш бакчалары.
Ләкин, тик син таңнар атканда,
Йокларга бир, түшәктә ятканда.

Сигез ел элек эшләгән кебек
Истә тотма аны, ул әллә үлек.
Хәсрәт күреп, югалтулар сизеп
Тормышта бит күпләрне күрдек.

Дога укырга да син өйрәтмә,
Искелеккә киредән кайту юк.
Бер син генә миңа куаныш,
Бер син минем өчен яктылык.

Кайгыра күрмә, йөрмә сыртта.
Мине уйлап күп хәсрәтләнмә.
Өлкән юлга һаман чыга бирмә,
Иске, модасы беткән жилетта.

НЕ ЖАЛЕЮ, НЕ ЗОВУ, НЕ ПЛАЧУ...

Алманың ак чәчәгендә
Төтен калмый тарала.
Барыда үтә, барыда бетә
Кайгы-хәсрәт югала.

Еламыйм да, чакырмыйм да
Ни булса да үкенмәм.
Алтынга чолгап алсаң да
Киредән мин яшәрмәм.

Син дә алай сикермәссең
Суынды йөрәгем дә.
Ялан аяк йөргезә алмас
Чыт-каенлы илем дә.

Кайда ”зимагур” булам дип
Жиләсләнеп йөрүләр?
Ташкын су кебек йолкыну,
Буйсынмам дигән күзләр?

И Язмыш, син күз алдымнан
Яңгыратып киттеңме?
Язгы таңда, тиз-тиз чабып
Алсу атта үттеңме?

Өрәңгенең яфрагыннан
Бакыр төсе югала.
Син дә шөкер итеп яшә,
Чәчәк тә бит коела.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1446
    0
    12
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1269
    1
    8
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    1156
    0
    16

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019