«МИН ҮЗЕМНЕ ЯРАТМЫЙМ!»

«Мин үз-үземә ошамыйм. Ничек үзеңне барлык кимчелекләрең белән яратырга өйрәнергә?»

Аноним, 17 яшь.

Олег Миняев, аспирант, 25 яшь:

«Кызганыч, сорау бирүче үзенең кызмы, егетме икәнен язмаган. Шулай да, минемчә, мондый проблемага күбрәк кызлар юлыга, чөнки нәкъ менә алар үзләренең тышкы кыяфәтләре турында аеруча да кайгыра. Үз тәҗрибәмнән чыгып әйткәндә, күп кенә үсмерләр (кыз булсынмы, егетме) матур булсалар да, үзләренән канәгать түгелләр. Ә кайберәүләр, кимчелекләре булган килеш тә, дөньяны һәм үзләрен яратып яши белә.

Сорау бирүчегә әлеге мәсьәләнең ни сәбәпле килеп чыгуын ачыкларга киңәш итәр идем. Үзең турында шулай начар уйлый башлауга сине нәрсә этәрде? Моны ачыклаганнан соң, үзең ышанган берәр кеше белән утырып сөйләшергә, аның да синең турында шундый фикердә булу-булмавын белешергә тырышып кара. Шулай ук әлеге якын кешең белән бергә үзеңнең уңай якларыңны барла. Исемлек зур булыр дип уйлыйм».

Алсу Талибуллина, психолог:

«Иң беренче эш итеп, бер кәгазьне ручка белән икегә бүл дә, бер ягына үзеңнең уңай һәм икенче өлешенә кимчелекле якларыңны язып чык. Кимчелекле якларыңа игътибар ит: алар синең үз фикереңме, әллә әйләнә-тирәдәге кешеләр кайчандыр синең турында әйткән сүзләрме? Күп вакытта без үзебезгә бәяне кеше сүзеннән чыгып бирәбез, ә чынлыкта бөтенләй икенче төрле булырга мөмкинбез.

Уңай якларың язылган өлешкә кара: алар күп җыелдымы? Юк икән, үзеңдә күрергә теләгән башка сыйфатларны да язып куй һәм аларга ирешү өчен көн дә бер адым яса.

Һәр кеше – шәхес. Кемгәдер ошамыйбыз икән, бу әле без начар дигән сүз түгел. Һәркемнең үзенә генә хас сыйфатлары була, шуның белән без башкалардан аерылып торабыз да бит инде. Аларның һәрберсе безгә ни өчендер бирелгән, билгеле бер тормыш этабында алар безгә кирәк булырга мөмкин. Шуңа күрә үзеңне кабатланмас шәхес итеп, барлык минусларың һәм плюсларың белән кабул итәргә кирәк.

Үзеңне ярату кеше фикеренә бәйле булмасын, мәхәббәт һәркемнең күңеленә инде тумыштан салынган. Үзеңә кечкенә балага караган сыман карасаң, кечкенә баланы яраткан сыман яратсаң, күңелеңдә үзеңә карата мәхәббәтне торгызырга мөмкин».

Тагын укырга:


“ЯРАТАМ! ҮЗЕНӘ ӘЙТЕРГӘМЕ?”


«ДУСТЫМ СЕРЕМНЕ ЧИШТЕ…»

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2689
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    951
    0
    3
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    793
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019