“ЯҢА ТАТАР ПРОЗАСЫ”: ҖИҢҮЧЕГӘ 1000 ЕВРО!

Иң яхшы хикәя язучыга 1000 евро бирелә. 

“Яңа татар прозасы” бәйгесендә җиңүченең әсәре әдәбиятта яңа сүз булмаска да мөмкин, әмма бу әдәбият белән шөгыльләнергә теләүче яшь кеше өчен стимул. “Татар-информ”да яңа татар прозасы әдәби бәйгесенә багышлап уздырылган матбугат конференциясендә оештыручыларның берсе Йолдыз Миңнуллина шундый фикер җиткерде. “Бер җиңүче әсәр – ул бер әсәр инде, ә безгә күп әсәрләр кирәк. Бер яхшы әсәр белән генә туктап калынмасын иде, - диде ул. – Монда үзмаксат җиңү түгел, ә характер тәрбияләү, сүз осталыгы, язу осталыгы тәрбияләү”.

Әлегә “Яңа татар прозасы” бәйгесенә 24 әсәр тапшырылган. Болар – Казан шәһәреннән һәм республика районнарыннан килгән әсәрләр, нигездә алар татар телендә, әмма рус телендә язылганнары да бар.

Әдәби чараны төп оештыручыларның берсе Йолдыз Миңнуллина аны, бәйгедән бигрәк, лаборатория дип билгеләп узды. Ягъни, бәйге – кызыксындыру чарасы, төп эш монда – әдәбият белән кызыксынган укучыларга остазларның ярдәме. Остазлар ролендә – танылган язучылар Ркаил Зәйдулла, Халисә Ширмән, Нәбирә Гыйматдинова һәм Илдар Әбүзәров.

Лабораториянең беренче дәресләре Казанда узачак. Дәресләр расписаниесе гариза кабул итү тәмамлангач билгеле булачак. Аннары остазлар белән укучылар ай дәвамында онлайн эшләячәкләр. Лаборатория эшчәнлеге “Ялкын” журналы битләрендә һәм рәсми сайтында яктыртылып барылачак – бу хакта журналның баш мөхәррире Илназ Фазуллин хәбәр итте.

“Яңа татар прозасы” бәйгесендә җиңеп чыгучыга 1000 евро акча тапшырылачак. Монысын Бөтендөнья татар яшьләре форумы рәисе Тәбрис Яруллин вәгъдә итә. Иганәче – Тампере шәһәре (Финляндия) “Ислам мәхәлләсе” татар җәмгыяте җитәкчесе Вахит Вафин. Гамәлгә куелган дүрт премиянең икесе яшь тарихчыларга, берсе – яшь композиторга, берсе шушы бәйге җиңүчесенә тәгаенләнгән.

Җиңүче май аенда билгеле булачак.

//Татар-информ//

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1326
    0
    8
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    1012
    0
    3
  • 16 ноябрь 2020 - 10:31
    КҮЗ КАРАШЫ Һы. Алтыдагы – алтмышкадыр да соң, тик миңа бит инде җитмеш кенә дә түгел. Хәзер бүгенге тәртибемә, дөресрәге, тәртипсезлегемә ниндирәк мәкаль туры килер иде икән? Сигездәге – сиксәнгәдер инде алай булгач.
    593
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019