ТЕАТР БЛОГЕРЫ БУЛЫРГА ТЕЛИСЕҢМЕ?

Театрга йөрергә яратсаң һәм караган спектакльләр турында башкалар белән бүлешергә теләсәң, һичшиксез, 8 октябрь көнне, Театр блогерлары мәктәбенә килергә тиешсең. Нәкъ менә шул көнне Казанда дөрес итеп театраль блог алып барырга өйрәтә башлаячаклар.

Бу проект Россиянең төрле төбәкләрендә яши торган, театр турында интернет блогларга язарга яки караган спектакльләрен яхшырак аңларга теләүчеләр өчен оештырыла. Бу мәктәптә замана театрының күптөрлелеген аңларга ярдәм итәчәкләр һәм шулай ук театраль рецензия-бәяләмәләр язарга өйрәтәчәкләр. «Бу мәктәп кайда узачак?» дип сорасагыз, ул Г.Камал исемендәге Татар дәүләт Академия театры ярдәме белән театр базасында оештырыла.

"Театр блогерлары мәктәбе" - пилот проект һәм бары тик өч айга исәпләнгән. Әлеге тәҗрибә уңышлы дип табылса, ул киләчәктә дә уздырылачак.

Проект дәвамында Казанда һәм Россиянең башка төбәкләрендә Театр тәнкыйтьчеләре ассоцияциясе ярдәмендә тәнкыйтьчеләр эшләячәк. Алар блогерлар белән семинарлар, вебинарлар уздырачаклар һәм практик биремнәрнең үтәлешен күзәтәчәкләр. Казанның театр блогерларын танылган театр белгече, "Афиша" журналы күзәтүчесе Алексей Киселев (Мәскәү шәһәре) укытачак.

Һәр шәһәрдә дүртәр семинар дәресе уздыру планлаштырыла. Катнашучылар Г.Камал исемендәге Татар дәүләт Академия театрының бер спектаклен карап, аның турында бәяләмә язачаклар. Проектка декабрьдә нәтиҗә ясала. Семинарлар арасында булган вакытларда педагог белән катнашучылар вебинарлар һәм социаль челтәрләр аша онлайн рәвештә аралаша алачаклар.

Катнашырга теләсәң...


Театр блогерлары мәктәбендә белем алу - бушлай. Анда катнашырга теләүчеләрнең гаризалары 1 октябрьгә кадәр kamal.press@tatar.ru почтасына кабул ителә. Гаризада исем, фамилия, атагызның исемен, телефон номерын, социаль челтәрләрдәге аккаунтыгызга сылтаманы күрсәтүегез һәм түбәндәге сорауларга җаваплар бирүегез сорала:

1. Үзең, белемең һәм эшең турында берничә сүз. Караган спектакльләрегез турында мәгълүмат чараларында яки социаль челтәрләрдә язасыңмы? Андыйлар булса, сылтамаларын күрсәтергә;

2. Тамашачы тәҗрибәң. Казанда яки башка шәһәрләрдә спектакльләр карау мөмкинлегез бармы? Соңгы вакытта нинди спектакльләр карадыгыз?

3. Соңгы вакытта караган һәм зур тәэсир калдырган 1-3 спектакльгә кыска бәяләмәләр язып җибәр.
Нәрсә: Театр блогерлары мәктәбе

Кайда: Казан шәһәре

Кайчан: 8 октябрь 2017 ел

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    948
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    823
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    794
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019