РОССИЯНЕҢ ИҢ ЯХШЫ СНОУБОРДЧЫСЫН БЕЗДӘ АЧЫКЛЫЙЛАР

Бу ялларда, 17-18 февраль көннәрендә, «Свияжские холмы» шәһәр-курортында (Югары Ослан районы, Савино авылы) сноуборд буенча Бөтенроссия балалалар ярышлары уза.

Спортчылар параллель слалом һәм параллель слалом-гигант дисциплиналарында ярышачак. Анда илебезнең 100гә якын 14-15 яшьлек яшүсмерләр көч сынашачак. Безнең республика сноуборд буенча мондый ярышларны инде икенче тапкыр кабул итә.

17 февраль
10.00 – параллель слалом-гигант дисциплиналарында ярыш
17.00 – ярышларны тантаналы ачу, финал
18 февраль
9.30 – параллель слалом дисциплиналарында ярыш
12.30 – финал

Былтыр татарстанлылар арасыннан бары тик бер генә кыз – Даша Белова –пьедесталга күтәрелде. Быел безнец спортчыларның югары нәтиҗә күрсәтәчәгенә өмет бар. Татарстан спортчыларының төп көндәшләре – Чиләбе өлкәсе, Мәскәү шәһәре һәм Мәскәү өлкәсе, Краснодар крае яшьләре.