МӨМКИНЛЕКЛӘР ЧИКЛӘНМИ - ТЕЛӘГЕҢ ГЕНӘ БУЛСЫН

Казан IT-паркы мөмкинлекләре чикле булган кешеләр өчен махсус курслар ачты. IT-технологияләр безнең тормышка ныграк үтеп керә. Гади кешегә мондый тормыш ритмына жайлашуы берни түгел. Ә менә мөмкинлекләре чикле булып, өйдә генә тормыш күрергә мәҗбүр булучыларга авырга туры килә. Бу курслар алар өчен аралашу, өстәмә белем үзләштерү белән бер рәттән яңа һөнәргә ия булу дигән суз.


20 нче февральдән IT-паркта мөмкинлекләре чикле кешеләрне PHP-программалаштыруга өйрәтә башладылар. Әлеге проектны Global Shapers Сommunity оешмасының Казан бүлеге оештыра. «inIT» программасында катнашу өчен яшь чикләве юк.


Белем алырга теләүчеләр сайтта гариза тутырып, эссе язарга тиеш. Сайлап алынган кешеләрне программалаштыру нигезләренә бушлай өйрәтәчәкләр. Киләчәктә алар кече программист булып эшкә урнаша алачак.


Антон Грачев, Казан IT-паркы директоры:


– Әлеге программа ярдәмендә һәркем үз тормышын үзгәртә ала. Без бу проект мөмкинлеге чикле булган күп кешеләрдә зур кызыксыну уятыр, дип өметләнәбез. Ләкин сайлау аша бары тик 10 кеше генә узачак.


Түбән Кама шәһәрендә яшәүче инвалид егет Павел Паймухин үзлегеннән программалаштыруны үзләштереп, сайтлар эшли. «Дөресен генә әйткәндә, теләсә нинди укыту безнең өчен файдалы. Замана дөньясы шундый инде: әгәр кеше нәрсәгә булса да өйрәнергә теләсә, интернет мондый мөмкинлекне бирә», – ди Павел.


Курсларны тәмамлаучыларга аттестатлар тапшырылачак. Моннан тыш, IT-парк аларга эшкә урнашканда да ярдәм итәргә тиеш. Курсларны уңышлы тәмамлаган инвалид кешеләр сайтлар ясау белән шөгыльләнүче фирмаларда, яки читтән торып фриланс рәвешендә өстәмә акча эшләү мөмкинлегенә дә ия булачаклар, ди курсларны оештыручылар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2545
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    690
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    612
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019