КАПНЫҢ ИКЕНЧЕ ТОРМЫШЫ

Капларга яңа тормыш бүләк итеп, бүләк отарга була. Казан укучыларын ел саен уздырыла торган “Капның икенче тормышы” балалар иҗаты конкурсында чакыралар.

Шушы бәйге-күргәзмәдә берничә номинациядә катнашырга мөмкин: «Кәгазь» (газет-журналлар, гофрокартон, әйберләрне төрә торган кәгазь), «Пластик» (пластик шешәләр, CD, DVD дисклары), «Пыяла» (пыяла тара, лампочка), «Металл» (эчемлекләрдән калган банкалар, шөрепләр, сәгать һәм башка механизм детальләре).

Әлеге иҗади конкурска теләсә нинди күләмдәге эшләр кабул ителә (зурлыгы 20-50 сантиметр булырга тиеш). Эшне төрлечә бизәргә дә була. Шул ук вакытта йомшак пластилин, пенопласт шариклары, кием элементлары белән бизәргә ярамый. Бөтен детальләр дә яхшылап беркетелгән булырга тиеш.

Конкурс ике этапта уздырыла:

1нче этап – 3-14 апрель аралыгында эшләр Космонавтлар ур., 57 йорт адресы буенча кабул ителә (Шәһәр балалар эколог-биологик үзәк)

2нче этап – монда мәктәп яны лагерьларына йөрүче балалар чакырыла. Эшләр 1–19 июнь аралыгында кабул ителәчәк. Иң яхшы эшләр укытучыларның август конференциясендәге күргәзмәдә урын алачак.