ӘЙТЕР ИДЕМ ИСЕМЕН...

(хикәя)

Сайра атлы мин. Авызыңны ерма, үзең дә әллә кем түгелсеңдер әле! Шул синең кебек кабак башлы, ерык авызлы малайлар "балык консервасы" дип кушамат такты да инде мәктәптә укыганда. Тапканнар исемен! Ул әти-әниләр балаларына исем кушканда ни уйлыйлар икән?! Исем төймә кебек түгел шул, тектең дә, бер заман төшеп калыр, димә, гомерлек.

Шул исемем аркасында күрмәгәннәр калмады. Яшь чак. Күрше авылы егете кичен артымнан озата килде.

- Әйдә, танышыйк, - ди бу.

- Сайра, - дим.

- Сайрар идем, кош түгел шул мин, - ди, бичара, үзенчә аңлап.

Бер бәхетең китсә, китә инде ул. Шәһәр дискотекасында чибәр генә егет биергә чакырды. Гадәттә сүзне танышудан башлыйсың.

- Давайте знакомиться. У меня имя, конечно, странное, - ди бу русча. - Нафик.

Минеке дә Гөлчәчәк түгел анысы, тик моның хәлләре тагын да яманрак икән!

Их, элек булган ул, ичмасам, исемнәр! "Бибисорургөлҗамалкаем", - дип сузыплар җибәрсәләр, ничек күңелләрең эремәсен!

Сиңа тотсыннар да балык исеме кушсыннар әле. Берәр татарча белер-белмәсе "Сарра" яки "Сар" гына дип эндәшсә, нинди мәхәббәт, ди, булган хисләрең дә бозланып катыр.

Әнә, Галияләр турыннан кичен авылда егетләр:

- Галиябануым, сылуым, иркәм, - дип җырлап узалар иде. Безнең турга җитә башласалар, башымны мендәр астына яшерәм.

- Балык кап, яр өстендә ялтырап ят, - дип үртәрләр сыман.

Их, күктән Йолдыз булып атылсаң иде, Кояш булып нур сипсәң һәм Миләүшә, Ләлә, Сөмбелләр булып хуш ис бөркесәң иде дә, Карлыгач булып очсаң иде. Берәүнең йөрәгенә Наз булып иңсәң иде дә, ул сине гомере буе йомшак, ягымлы исемең белән атап дәшсә иде!

Резеда ШӘРИПОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    750
    0
    2
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    744
    0
    4
  • 19 декабрь 2020 - 10:35
    «ТАШБАКА»: БАЛЫК ПИРОГЫ РЕЦЕПТЫ Бу пирог һәркемнең йөрәген яуларга сәләтле. Әллә ни күп әйбер дә кирәкми!
    623
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019