ҖЫРЛАП ЯШИ АЛА КЕШЕ, БУЛСА ТИК ТУГАН ТЕЛЕ! - Укучыларыбыз иҗаты

Җырлап яши ала кеше, булса тик Туган теле!


Ишетеп үстем бишек җырын,
«Әннә» дип телем ачтым.
«Туган тел»не тыңлый-тыңлый
Беренче тәпи бастым.

«Шахта көе»н дә ишеттем:
Анысын бабам көйләде.
«Шүрәле»не, «Су анасы»н
Тәмләп әбием сөйләде.

Тирә- якның гүзәллеген
Телем аша аңладым.
Киләчәккә мирас итеп
Тапшырырга уйладым…
Тик…

Беркөн килеп кемдер әйтте:
«Бетә бит Туган телең!
Хәзер – телең, ә аннары
Тартып алсалар илең?!

Телсез калсаң, илсез калсаң,
Кол булып яшәрсеңме?
Әллә инде барысын яклап,
Яшендәй яшьнәрсеңме?!»

Әйтерсең, башка суктылар:
Исем – акылым китте.
Татарның гел эндәшмәве
Телнең башына җитте.

Кемгә зыяны тиде соң???
Ник шулкадәр кагалар???
Шунсыз баш имәс татар дип,
Телен тартып алалар!

Нинди матур, аһәңле бит
И, минем татар телем!
Телем бетсә, үземнең дә
Бетмәсме соң кадерем?!

Бу хурлыкка түзмәс иде
Җәлил, Фәнис, Туфаннар.
Алар кебек телне сөйгән
Юкмы җиргә туганнар?!?
(Авыз ачып сүз әйтергә
Һич курыкмый торганнар!)

Гөрләп торган Татарстан
Моннан соң да шаулармы?
Әнкәйләрдәй газиз телен
Саклап калыр, даулармы?!...

…Теле бетсә, яши алмас
Бетәр татарның көне.
Җырлап яши алыр халкым
Булса тик Туган теле!

Әхмәдуллина Айгөл, Пөшәңгәр авылы,9 сыйныф укучысы




Бәхетле балачак


Кемнәр генә хыялланмый
Бәхетле балачак турында.
Күпме серләр яшеренгән
Аның назлы киң кочагында.

Иң матур хатирәләр,
Истә кала хәтердә.
Бик күп дуслар табыла
Шат балачак илендә.

Ашыгабыз, ашкынабыз,
Тизрәк үсәргә иде, дибез.
Инде үсеп буй җиткәч,
Балачак кайтсын иде, дибез.

Сабый чакта бар да рәхәт,
Татлы төш, хыял илем.
Әти-әни кочагында
Мәңгегә калыр идем.

Тимашева Алёна, Мөслим районы, Яңа Усы мәктәбенең 9нчы сыйныф укучысы




Кылачым


Туган авылым урнашкан
Хәтфә яшеллек кочагына.
Сагындым үзәгем өзелеп -
Күңелем сиңа оча гына!

Җиләкле тау битләре кебек
Хәтирәләр бизи балачакны.
Шифалы җилең чәчтән иркәли:
Җанга якын син шулчаклы!

Урамыңа чыгам да мин,
Сөеп карыйм тирә-ягыма.
Сокланып һич туя алмыйм
Кылачым, сиңа, туган ягыма.

Синең чал иркен кочагыңа
Сыйган күпме кайгы-шатлыгы.
Болыннарың, кырларың да
Төрле истәлекләргә тулы.

Татлы чишмәле авылыма
Телим бары якты киләчәк.
Үсеп җитим әле, күрерсез:
Авылым тагы да гөрләячәк!

Шаһиәхмәтов Диас, Түбән Аты төп гомуми белем мәктәбенең 7нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    950
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    505
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    378
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019