УҢЫШСЫЗЛЫКЛАР МУЗЕЕ? ӘЙЕ, ӘЙЕ!

Кеше һәрвакытта да төрле җайланма-предметларны камилләштереп, яңаларын уйлап чыгарырга омтыла. Прогресс яхшы нәрсә, билгеле, тик һәр яңа гаджетка да хит булып китәргә язмаган.

Швецияле Сэмюэль Уэстның яраткан шөгыле нәкъ менә шундый уңышсыз гаджет-җайланма-продуктларны җыю була. Көннәрдән-бер көнне “Боларны җыеп, музей ачарга була бит!” – дигән фикер килә егетнең башына. Ир сүзе бер була – Хельсингборг шәһәрендә яшәүчеләр һәм шәһәрне карарга килүче туристлар рәхәтләнеп яңа музей карыйлар.

Музейда җыелган экспонатларның һәрберсен дә катгый рәвештә уңышсыз идея дип әйтеп булмый – кайберләре бары тик дөрес алып барылмаган реклама һәм маркетинг сәясәте корбаннары була яки вакытсыз чыгарылу сәбәпле уңышка ирешми.





 

 

 

 

 

 



 

 

 

 

 

Беренче Apple Newton портатив планшеты, артык зур TeleGuide коммуникаторы, дистәләгән сәер, артык кыйбат смартфон, Google Glass күзлеге, Microsoft Zune плееры, Nintendo Virtual Boy уен приставкасы, бер тапкыр гына карап була торган DVD-дискларга яздырылган фильмнар, ток ярдәмендә җыерчыкларны тарттыра торган Rejuvenique Tonning Mask маскасы. Заманында бу җайланмаларның барысы да бик өметле һәм алдынгы дип саналса да, кулланучылар йөрәген һәм акча янчыкларын яулап ала алмыйлар.

Музейда гаджет һәм төрле техник җайланмалар гына түгел, азык-төлек, велосипед һ.б.ларны күрергә була.

Heinz ның яшел кетчубы? Ник булмасын, ди! Дональд Трамп бизнес-империясе буенча төзелгән “Монополия”? Бар! Пластиктан ясалган велосипед? Әнә тегендә тора! Футуристик “Форд” уенчык машинасы? Хәзер алып киләм! Лазанья тәмле Colgate теш пастасы? Әтәч салган күкәй генә юк бездә, дим бит!

Музейның оештыручысы һәм җитәкчесе Сэм Уэст күргәзмәгә килүчеләргә бар экспонатлар турында да бик теләп сөйли һәм аларның ни өчен нәкъ менә “уңышсызлыклар” дип аталырга хагы барлыгын дәлилләп бирә. Киттекме Швециягә?

https://www.youtube.com/watch?v=slNKzCovPqg

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1375
    0
    8
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    1034
    0
    3
  • 16 ноябрь 2020 - 10:31
    КҮЗ КАРАШЫ Һы. Алтыдагы – алтмышкадыр да соң, тик миңа бит инде җитмеш кенә дә түгел. Хәзер бүгенге тәртибемә, дөресрәге, тәртипсезлегемә ниндирәк мәкаль туры килер иде икән? Сигездәге – сиксәнгәдер инде алай булгач.
    665
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019