ТУГАН ЯК /Элзира Илhамова/

Минем туган ягым Азнакай. Азнакайны бөтен яклап урманнар әйләндереп алган. Азнакайның болыннарында матур-матур чәчәкләр, басуларында күкрәп игеннәр үсә. Азнакай районнында чишмәләр бик күп. «Расиха», «Дуслык», «Стәрле» hәм башка чишмәләр. Безнең Азнакаебыз горур Чатыр тавы белән дан тота. Анда менсәң туган ягымның бөтен байлыклары күренә. Тауга менеп көч-кодрәт җыясың. Ышанмасагыз, безгә килегез - үзегез дә моңа инанырсыз.

Азнакай ягы үзенең табигате, кешеләре белән әллә кайларга танылган. Монда күренекле язучылар туган: Илдус Гыйләҗев, Мәхмүт Хәсәнов, Марсель Галиев, шулай ук халык артисты Әзхәр Шакиров белән Нәҗибә Ихсанова һәм танылган журналист Ләйсәнә Садретдинова да туган. Аның рәсемнәрендә һәрвакыт табигать сурәтләнгән. Мөгаен, табигатьнең матурлыгын күрә белүе дә туган ягында башлангандыр.

Азнакай шәһәре елдан-ел үсә, зурая. Бездә яңадан-яңа спорт комплекслары , парклар төзелә. Азнакай якларында җир мае бик күп. Туган ягымның матурлыгын сүз белән генә әйтеп бетереп булмый. «Җире – җәннәт, суы – ширбәт, халкы – талант Азнакаемның». Бу сүзләр чыннан да туры килә. Мин туган ягым белән горурланам һәм берничә көнгә генә китеп торсам да сагынып кайтам.

Элзира Илhамова,
Азнакай шәhәренең 7нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    622
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    267
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    265
    0
    0

Блоглар