«Сагыныр идеңме назымны?..» Оксана Ильюп

***

Язланган кыш елый кызларча,

Эреп аккан карга төелеп.

Тезләренә башын сала да

Рәнҗүләрдән үкси бөгелеп.

 

Ә яз, имеш, килгән күрергә,

Тик кыш кына тарсынып кача.

Аксак кыш та быел ничектер

Башка төрле китә. Яңача.

 

Шул булдымы сөю дәлиле:

Сүзсез шелтә салу артымнан?

Саф йөрәкле язым заяга

Кабат сиңа табан талпынган.

 

Аксак кышка бары март калган.

Башка төрле язлар. Яңача.

Эреп аккан карга төелеп

Язланган кыш елый. Кызларча.

 

***

Яңа сулыш өрде быел язым.

Күңелемдә гөлләр үрде дә

Назлы гына кагылыплар алды.

Нектар тәме калды иренемдә.

 

Назлы гына кагылды да язым

Иренемнән үпте елмаеп.

Шул чагында (әллә инде көнләп)

Яңгыр явып төште күк ярып!

 

Ләйсән яңгыр үткәннәрне юды.

Саф суына тулды кушучым.

Ә мин һаман тоям кебек әле

Битләремдә язым сулышын.

 

***

Ә бу язның холкы икенче.

Чагыштырып уйлап карасаң,

Татар кызы кебек тыйнак та,

Әй ягымлы үзе! Оялчан...

 

Сулышы да бүтән. Тыныннан

Наз, җылылык, тылсым ярала

Бар дөньяда. Бәхет исеннән

Баш әйләнә, уйлар тарала.

 

Тышауланган тансык хыяллар

Тугарылып күккә җилкенә.

Югыйсә бит язның сулышы

Җил генә тик бары. Җил генә...

 

Карашлары башка бу язның:

Күзләрендә нурлар чагыла!

Керфекләрен сирпеп караса,

Йөрәккә ут килеп ягыла.

 

Моңнары да быел әйтерсең

Зәмзәм булып тама күңелгә.

Атлашы да аның үзгәргән –

Йөкле кебек читтән күренә.

 

Алсу таңын үпкән чагында

Сөеп үпкән язым мине дә.

Һаман тоям әле (гаҗәеп!):

Өмет тәме калган ирендә...

 

***

Язны түгел, сине әле көтәм.

Үтәм бергә йөргән юллардан.

Уйларымның һәрбер почмагында

Сине табам. Янам уйлардан!

Синең белән язлар кайтыр төсле.

Көчле буран тынар, көйләнер.

Урам, өйләр, калай түбәләр дә

Башка төрле сулап өйрәнер.

Язлар белән син кайтырсың. Бүтән

Беркайчан да китмим, диярсең.

Киярсең дә зәңгәр күлмәгеңне

Яз күк яннарыма килерсең.

Син бит яктылыкка иясең!

 

Ә сагышлар, синсез булган көннәр

Кыш артыннан, берүк, иярсен.

Һәм яз гына калсын. Барсын кочып

Беләм җиргә язлар киләсен!

 

Язлар белән сине көтәм, сүтәм

Көн артыннан көннәр йомгагын.

Көйләр туа, шигырьләрем туа,

Чәчкәләргә тула як-ягым

Син булганда янда, яз туганда!

Март кунаклый тәрәз артында.

Уйларымның һәрбер почмагында

Синле якты хыял кунганда...

 

Син үзең бит язга әверелгәнсең!

Син бит яктылыкка иясең!

Бар дөньяны кочып тиздән (беләм!)

Җиргә синле язлар киләсен!

 

***

Кышның март халәте. Түбәдән

Мөлдерәп сыгыла яз суы.

Табигатьме шулай язлана

Йә минемме йөрәк ярсуы?

 

Гафу ит, яз кебек, мин елак.

Сине бик юксынган чагым бу.

Телгәли-телгәли аяусыз

Бәгырьне умыра сагыну.

 

Гасырлап, минутлап саныймын –

Еракмы очрашу сәгате?

Аннары таң ата өметләп.

Урамда кышның март халәте.

 

Мин дә март. Эһ, күрсәң иде лә

Бу назлы һәм серле чагымны!

Шатланыр идеңме, танысаң

Языңда син минем чалымны?

 

Яратыр идеңме языңны?..

Сагыныр идеңме назымны?..

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019