САБА РАЙОНЫНДА УКЫТУЧЫ ҺӘМ УКУЧЫ АРАСЫНДА БӘХӘС: СИН КЕМ ЯКЛЫ?

Саба районындагы бер мәктәптә технология дәресендә укучы белән укытучы арасында килеп чыккан низаг турында ишетми калмагансыңдыр. Кызганыч, күп кеше бу видеороликның бер өлешен генә караган. Шуңа да укытучыга гаеп аударырга тырышучылар күп булды. Баксаң, башта укучы үзе мөгаллимгә килеп ябышкан икән бит…

Укучы малай кулына «корал» алырга да тарсынып тормый: металл линейка белән кизәнә. Әлеге күренешне бу малайның сыйныфташлары күзәтеп тора. Кызганыч, тик аларның берсе дә әтәч малайны тартып алырга яки башка укытучыларга дәшәргә ашыкмый. Ә мобиль телефонга төшереп, бераз вакыт узгач, интернет челтәренә видеоны элгән «герой» табыла! Һәм менә теләгәннәренә ирешкәннәр – бу очрак беркемнең теленнән төшми.

Саба районының Мәгариф идарәсе бу вәзгыятьне белә икән. Дәрес барышында тавыш куптарган малайның әти-әнисе укытучы белән үзара утырып сөйләшкән. Һәм… берсе дә полициягә гариза язмаска карар кылган була. Тик интернет челтәренә эләккән видео гына тынычлыкта калдырмый. Хәзер инде бу эш прокуратурага кадәр барып җиткән…

Малайның сыйныфташларының бу ситуациядә битараф калуы да шөбһә сала. Ничек инде монда авыз ачып карап торып булсын, ди. Бер укучы башкаларны ярдәмгә чакырырга теләсә дә, башкалары тыеп кала. Башка кеше эшенә кысылмаска өндиләр. Бөтен таяк укытучы башына эләгә инде. Бу юлы да шулай булган. Технология укытучысын эштән алганнар. Ә тикшерү әле һаман дәвам итә…

 

https://www.instagram.com/p/BU_FCU2lj_u/?taken-by=novosti_rt

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    688
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    543
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    341
    0
    0

Блоглар