АЛИНӘ ӘХТӘМҖАНОВА: КАЕНЧЫК БӘХЕТЕ

Айгөл каникулда әбиләренә авылга кайтты. Их, ничек матур аларның авыллары! Сокланып туймаслык. Бар яктан таулар, елгалар уратып алган. Ә бу яшеллек... Күз явын алырлык... Каен кызлары, имән егетләре берсеннән-берсе зифа, нык, төз... Аларның авылларыннан ерак түгел бер урман бар. Шул урман тирә-якка искиткеч матурлыгы белән танылган. Анда агачларның, үләннәрнең нинди генә төрләре юк! Ә менә урманның нәкъ үзәгендәге аланга керсәң, чәчәкләрнең күптөрлелегеннән күзләр камаша. Монда килсәң, әкияткә эләккәндәй буласын. Айгөл бик еш шушы әкияти урманга бабасы белән йөреп кайтырга дип чыга иде. Бабасы аның бик күпне белә. Нишләп укытучы гына булмады икән ул?

Менә бу юлы да Айгөл бабасы белән, йөреп кайтырга дип, язгы урманга таба юл тотты. Урман бу юлы аеруча матур, гүзәл иде. Инде кошлар да кайтып өлгергән. Айгөлнең яраткан аланында да кар эреп беткән. Җир дә кышкы йокыдан уянган, үләннәр кояшка таба калкып чыкканнар. Тик бар да элеккечә түгел иде: нәкъ алан уртасында ялгыз каен усеп утыра. Айгөл аның янына коштай очып барып тезләнде. Ул шундый кечкенә, шундый ялгыз. Айгөл бабасыннан:

- Бабай, ничек бу кечкенә каен берүзе, бүтәннәрдән аерылып үсәргә батырчылык иткән? - дип сорап куйды. Аның тавышыннан кызгануы күренә иде.

- Беләсеңме, кызым, кайвакыт дөнья бездән дә алданрак барысын да уйлап, карарлар кабул итә. Аларны үзгәртү безнең көчтән килә торган эш түгел, безгә моның белән килешәсе генә кала.

- Мөгаен, каенга үзенә генә бик күңелсездер... Аның бит беркеме дә юк...

- Булырга мөмкин...

- Бабай! Минем бик шәп фикерем бар: бүгеннән башлап мин бу каен янына һәркөн килермен, аңа күңелсез булмас. Мин аның турында кайгыртырмын.

- Ярый, кызым, килерсең. Ә бүгенгә җитеп торыр, әйдә кайтыйк, әбиең дә кайгыра торгандыр.

Кызчыкның самимилек, мәрхәмәтлек белән тулган күзләре, йолдызлардай ялтырап, тирә-якны яктыртып җибәрде. Бар Җир шары яктырып киткәндәй булды. Мөгаен, кечкенә каенчык та бик бәхетледер!

Әхтәмҗанова Алинә

Саба районы Түбән Шытсу мәктәбенең
8 сыйныф укучысы

Нравится
Комментарии (0)
Осталось символов:
Шәп укыла
  • 29 октябрь 2019 - 12:48
    ХУШЫГЫЗ, КЕШЕЛӘР! Исәнмесез, кешеләр? Көндәлегемне мондый сүзләр белән башлавыма аптырамагыз. Ни өчен икәнен аңлатып тормыйм. Кызыксынып укый калсагыз, барысына да үзегез төшенерсез. Көндәлегемә «Хушыгыз, кешеләр!» дип исем биргәнем өчен ачуланмагыз, зинһар! Башка исем уйлап таба алмадым.
    7808
    3
    72
  • 23 октябрь 2019 - 19:52
    ТАШЛАНДЫК БАЛА Фәнис беркөн сменалап эшләгән эшеннән чыккач, кибеткә кереп, хатыны кушкан әйберләрне сатып алды да, ашыга-ашыга өенә атлады. Яшәгән йортына җитәрәк, аңа урам аша кемдер исеме белән дәште. Борылып караса, Фәнискә кулын болгый-болгый, ике еллап элек бергә эшләгән Фәһим басып тора.
    6293
    3
    126
  • 24 октябрь 2019 - 15:03
    ЙОЛДЫЗКАЙ ...Мал-туарга кышкылыкка печән әзерләп, утын әзерләп, бакча үстереп, җәй үткәне сизелми дә калды. Ярый, үсеп килүче ике уллары бар ярдәмгә. Әнә беренче кар да төшкәли җиргә... Рифаты, аллабирса, киләсе елга мәктәпне бетерә. Илфатның тагын ике ел укыйсы бар. Заманында гөрләп торган колхоз хуҗалыгы соңгы елларда таркалады.
    4282
    0
    59

Блоглар
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019