Ачып куй җаныңны кояшка...

***
Ачыкмы тәрәзәң пәрдәсе?
Ачык та, әмма юк кояшы...
Табылыр, өзмәче өметең,
Әлегә бары тик җәй башы.

Җанында кояш бар һәркемнең,
Яктырырга ирек бир аңа.
Шулчакта бары тик дөнья да
Күренер башкача, өр-яңа.

Онытма: ни генә булса да,
Җаныңны ачык тот кояшка.
Тиңләмә үзеңне һичкайчан
Җирдәге аунаган бер ташка.

Кояшны белеш син кошлардан,
Алар бит өләшә сәламнәр.
Җаныңа тиешле кояшны,
Үзләре үк китереп бирерләр.

Йөзеңнән елмаю китмәсен,
Карауга күренсен кояшың.
Күзләрең булса да моңсулар,
Күрсәтмә беркемгә сагышың.

Сагышың күрсәтмә беркемгә,
Кешенең булыр бит төрлесе.
Яхшысы янында гел була,
Еландай кап-кара эчлесе.

Җырыңа чагылсын кояшың,
Моңлырак булыр ул тагын да.
Синең бит моңнарың үзеңнең
Йөз ишек эчендә - җаныңда.

Тәрәзәң пәрдәсе ачыкмы?
Ачып куй җаныңны кояшка.
Борчылма, яктырыр кояшың,
Быел бит язлар да башкача!

Гөлназ Әхмәдиева Мәлик кызы, 14 яшь, Балтач районы Көшкәтбаш авылы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
МОҢЛЫ ЧИШМӘ КАЙТАВАЗЫ
252
0
0
Иҗат
ҮГИ КЫЗ ӘКИЯТЕ
311
0
0
Иҗат
ӘНИ СҮЗЕНЕҢ КАДЕРЕ
409
0
0