Социаль челтәрләрдә фото-видеоларга лайк кую, бер уйлаганда, экранга басып алу гына кебек. Әмма кайбер кешеләр анда тирән мәгънә эзли. Күпләр фотодагы лайкны симпатия белдерү, партнерга хөрмәт күрсәтмәү яисә, гомумән, потенциаль хыянәт итеп кабул итә. Язмабызда виртуаль хыянәт, ягъни чит кызларга һәм егетләргә лайк кую турында сүз алып барачакбыз. Яшьләр өчен бу нормаль күренешме яисә чынлап та хыянәт буларак кабул ителәме? Моның турында без аларның үзләреннән сорадык.
