22 апрель 2024 яңалыклары

Шәп яңалык – «Мин татарча сөйләшәм!» акциясенең быелгы гала-концерты Казан Кирмәнендә узачак. Моңарчы ул традицион рәвештә – Бауман урамында, 2022 елдан башлап Камал театры каршында үткәрелсә, быел исә башкаланың нәкъ үзәгенә күчәчәк. Инде 2006 елдан башлап аның үткәрелү көне үзгәрешсез – 26 апрель.

Мәркәзебез Казанның ел саен матуралана баруына ияләшкән идек инде, ләкин быел шәһәр аеруча интенсив рәвештә үзгәрә, гүзәлләнә, чөнки биредә бу җәй БРИКС Уеннары узачак. Казан мэры Илсур Метшин кисәтүенчә, шәһәр киләсе ике айда зур төзелеш мәйданына әвереләчәк.