ҮЗ КУЛЛАРЫМ БЕЛӘН: СЛАЙМ ЯСЫЙБЫЗ

Беркөнне сеңлем минем янга килде дә: «Апа, әйдә слайм ясыйк әле», – ди. Дөресен генә әйткәндә, «слайм» сүзен гомеремдә беренче тапкыр ишетүем иде. Баксаң, ул инде әллә кайчан «сезон хиты» булып өлгергән икән.

«Слайм» яки, гади генә итеп әйткәндә, «лизун» антистресс уенчык икән ул. Беренче слаймнарны 1976 елда «Mattel» компаниясе чыгара башлаган. Үзенең тышкы кыяфәте һәм йомшак текстурасы белән слаймнар сатып алучыларда кызыксыну уяткан. Әлбәттә, бүгенге көндә балалар һәм хәтта олылар арасында да зур популярлык яулаган әлеге уенчыкны кибеттән сатып алып була. Тик аны үз кулларың белән өй шартларында ясауга ни җитә?!

Слаймны өй шартларында әзерләүнең 3 ысулы:

  1. Җилем (клей) нигезендә ясалган слайм


Кирәк булачак:

– ПВА җилене (50 г чамасы)

– сода (1 аш кашыгы)

– су (100 мл)

– буягычлар (монысы инде билгеле бер төс кертер өчен)

Кирәкле суның яртысын клей белән болгатабыз, шунда ук буягычны да кушабыз. Ә калган суда соданы эретәбез һәм ике массаны бергә кушабыз. Антистрессыбыз әзер!

  1. Пластилин нигезендә ясалган слайм


Кирәк булачак:

– пластилин (100 г чамасы)

– желатин (1 кап)

– су (50 мл)

– куркынычсызлык кагыйдәләрен искә төшерү (газ белән эшләргә туры киләчәк)

Желатин өстенә салкынча су салып, аны берәр сәгатькә читкә алып куябыз. Аннары шушы массаны, газга куеп, кайнап чыгарлык дәрәҗәгә җиткерәбез дә салкынчарак урынга озатабыз. Пластилинны су парында тулысынча эретеп бетерәбез дә ике массаны бергә кушабыз. Һәм менә безнең слайм әзер дә булды!

  1. Шампунь нигезендә ясалган слайм


Кирәк булачак:

– шампунь (100 мл)

– су (100 мл)

– крахмал (200 г)

– буягыч (монысы артык мөһим түгел)

Бер савытта крахмалны су белән кушып, төерләре беткәнче яхшылап болгатабыз. Аннан шушы массага шампунь һәм буягычны салабыз. Әзер слаймны, өстен каплап, 12 сәгатькә суыткычка озатабыз. Бу ысул иң җайлысы, минемчә!




Слайм ясау ысуллары бик күп. Интернетта ниндиләре генә юк аның! Мин исә составына зарарлы химикатлар кермәгәннәренә генә игътибар итәргә тырыштым. Гади уенчык кына булса да, сак булырга тырышыгыз!

Лилия Гыймазова, Мамадыш районы Урта Кирмән мәктәбенең 11нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2455
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2294
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1946
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019