ЙОКЫ ПРОДУКТИВЛЫККА НИЧЕК ТӘЭСИР ИТӘ?

Әлеге сорауга без медицина күзлегеннән чыгып җавап бирергә тырышачакбыз.

Продуктивлыгыгызны арттыру өчен сез эшли алган иң яхшы нәрсә – ул йокларга яту. Йоклаганда безнең баш миенең нишләгәнен ачыклау өчен, галимнәр йөзләгән тикшеренүләр уздырган. Нәтиҗәләр мондый:

1. Безнең баш мие үз эшчәнлеген йоклаганда да туктатмый, әмма бу процесс башкачарак бара. Йокы вакытында баш мие күзәнәкләре көн дәвамында алынган мәгълүматны тәртипкә салу, эшкәртү белән “мәшгуль”. Кирәк дип табылганы кала, кирәкмәгәне юкка чыгарыла.

2. Озак вакыт дәвамында юньләп йокламау яки йоклый алмау баш миенең мәгълүматны эшкәртеп җитешмәвенә, яңаларына урын булмауга китерә. Нәтиҗәдә, хәтер начарлана, игътибарсызлык арта.

3. Мәгълүматны аралау белән беррәттән, без йоклаганда баш мие аны анализлау һәм мәсьәләләрдән чыгу юллары эзләү белән дә шөгыльләнә.

4. Нәкъ менә төнлә нерв системасы “перезагрузка” ясый һәм икенче көнгә әзерләнә.
Йокының тирән фазасында гормоннар җитештерелә, ә алар аксымнар регенерациясе һәм синтезы өчен җавап бирә.

5. Шулай ук йокы вакытында без токсиннардан арынабыз һәм мускулларга, ашказанына ял итәргә ирек бирәбез.

6. Сыйфатлы йокы 5 сәгатьтән дә ким булмаска тиеш, иң яхшысы – 6-8 сәгать йоклау. Ә балаларга 10 сәгатькә якын йоклау файдалы булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2514
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1988
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    649
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019