ҖӘЙГЕ ЛАГЕРЬЛАР НИЧЕК ЭШЛӘЯЧӘК? КАГЫЙДӘЛӘР БИЛГЕЛЕ!

30 июнь көнне Татарстан Республикасының Министрлар Кабинетында «Татарстанда балаларның җәйге ялын оештыру» темасына  багышланган брифинг булып узды.

Чарада Татарстан Республикасы Премьер-министры урынбасары Ләйлә Фазлыева, Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең идарәсе җитәкчесе  Марина Патяшина һәм Татарстан Республикасы Яшьләр эшләре министры Дамир Фәттахов катнашты. Биредә күпләрне, бигрәк тә ата-аналарны кызыксындырган сорауларга җаваплар яңгырады: лагерьләр узачак күпчелек биналарның яңартылуы, онлайн гаризалар бирү кампаниясе эшли башлавы, урыннар саны чикле булуы, мәктәп яны лагерьләре көзен һәм кышын уздырылачагы, барлык куркынчсызлык чаралары да үткәреләчәге, җәйге сменалар барышында, кимендә, ике медицина хезмәкәре эшләячәге һәм башкалар... 

Искәртеп узарга кирәк, быел Татарстан лагерьләрендә ата-аналар көне уздырылмаячак. Бу хакта Ләйлә Фазлыева хәбәр итте. «Быел коронавирус пандемиясе һәм аңа бәйле чикләүләр белән бәйле рәвештә ата-аналар көне каралмаган. Артык элемтәләр мөмкин түгел. Моңа җитди карарга кирәк! Бу максаттан, туклану продуктларын китерү дә регламентланган булачак», - ди ул. 

Марина Патяшина исә лагерьләрдә көн саен температураны үлчәп торачакларын әйтте. Ул ата-аналар, туганнар, башка чит-ятлар кертелмәячәген ассызыклап узды. Аның сүзләренчә, лагерьләрдә барлык отрядларны җыеп, массакүләм чаралар үткәрелмәячәк. Кичке күмәк дискотекалар, эстафеталар да тыелачак. Барлык бәйге-чаралар да бары тик отряд эчендә генә узачак. «Бу балалар арасында дистанцияне күпмедер дәрәҗәдә булса да сакларга ярдәм итәчәк», - ди Марина Патяшина.

Дамир Фәттахов исә балаларның һәм яшүсмерләрнең ялын һәм сәламәтләндерүен оештыруның республикада иң мөһим программаларның берсе икәнлеген дә билгеләп узды. «2020 елда Татарстанда җәйге сәламәтләндерү кампаниясен финанслауга республика бюджетыннан 1,6 млрд. сум бүлеп бирү планлаштырыла, бу узган ел белән чагыштырганда 5% ка күбрәк», - ди Татарстан Республикасы Яшьләр эшләре министры.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    839
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    796
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар