ӨЙДӘГЕ ТӘРТИПСЕЗЛЕК СТРЕССКА КИТЕРӘ

Галимнәр әнә шундый нәтиҗәгә килгәннәр. Моны булдырмау өчен өйне җыештыру да җитәме? Тагын нәрсә эшләргә кирәк?

Тәртипсезлек нәрсәдән башлана?


Тәртипсезлек өйдә артык-портык әйбер җыйналудан туа. Тикшеренүчеләр моның турыдан-туры стресска китерүен билгеләгәннәр. Кеше моны үзе сизмәскә дә мөмкин. Психология профессоры Джозеф Феррари тәртипсезлек барлыкка килүнең сәбәпләрен һәм аның кешегә ничек тәэсир итүен ачыклаган. Торак җирнең юк-бар белән тулуы яшь барган саен кешенең халәтенә ныграк тәэсир итә икән. Шул сәбәпле, кеше тормышыннан канәгать булмый, гел кәефсез йөри.

Стресс белән тәртипсезлек ничек бәйле?


Өйдә тәртип булмау стресс гормоны – кортизолның артуына китерә. Ни өчен болай килеп чыга соң? Җәмгыятьтә өй – ул ял итә һәм хәл җыя торган урын, дигән фикер яши. Чүп астында яши башласаң, берничек тә анда ял итеп булмый шул.

Чүп-чардан ничек котылырга?


Еллар буе тик торып та кулланылмаган әйберләр би күп. Алар шундый кирәктер кебек тоела. Нәрсәне дә булса башкаларга бирергә яки ташларга үзеңне мәҗбүр итү өчен мондый ысул тәкъдим ителә:

1. Котылырга теләгән әйберегезгә кагылмагыз.

Әйе, нәкъ шулай. Ул яткан урынга борылып та карамагыз. Башка берәү аны алып: “Бу сиңа кирәкме?” – дигәнгә кадәр. Аннан: “Юк, кирәкми, ал яки ташлыйбыз”, - дип әйтәсе. Һәм вуаля! Син бер артык “чүптән” котылдың.

2. Өегезгә артык әйбер ташымагыз.

Берәр нәрсә сатып алыр алдыннан башта үзеңнән: “Бу әйбер миңа кирәкме?” – дип сора. Чөнки берәр нәрсәне өйгә алып кайтканнан соң аның белән хушлаашуы инде авыр булачак.

Өегездә дә, уйларыгызда да, күңелегездә дә һәрчак тәртип булсын, дип телибез! ;-)??

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2540
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    684
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    607
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019