«ЯРАТЫП ТУЯЛМАДЫМ»: КАРИЕВ ТЕАТРЫНДА ЯНӘДӘН ПРЕМЬЕРА

Г.Кариев исемендәге Казан татар дәүләт яшь тамашачы театры көтеп алынган чираттагы премьерасын тәкъдим итә. Театрның баш режиссёры Ренат Әюпов яшь драматург Айгөл Әхмәтгалиева әсәре буенча «Яратып туялмадым» спектаклен сәхнәләштерде. Спектакльнең рәссамы – Б. Урманче һәм М.Җәлил исемендәге премияләр лауреаты Булат Гыйлванов, композиторы – Зөлфәт Вәлиуллин.

Спектакль беренче татар хатын-кыз актрисасы Сәхипҗамал Гыйззәтуллина-Волжскаяның соңгы көннәрен сурәтли. Вакыйгалар психоневрологик интернатта бара.Спектакль барышында татар актрисасының гомер азагында үз милләтенә, халкына ни дәрәҗәдә кадерсез булуын аңлаудан күзгә яшь килә, тамакка төер утыра. Бар гомерен, сәламәтлеген, ана булу бәхетен милләте, иле өчен корбан иткән актрисаның картлыгы шундый булырга тиешме, йә?! Соңгы тукталышы булган психоневрологик интернатта да җитәкчелек тарафыннан аңа карата котычкыч караш күрсәтелә. Яшь табиб һәм шәфкать туташының бөек актрисага карата булган җылы мөнәсәбәте Волжскаяга соңгы ролен уйнау бәхетен бүләк итә. Сәхнәне яратудан туймаган актриса өчен моннан да зуррак бәхет бармы икән?! Волжскаяга төшенкелеккә бирелергә юл куймаган табиб хәтта Король булып уйнарга да риза, иң мөһиме бөек актриса гына моңсуланмасын! Кызганыч, биредә Волжскаяның кадерен гади хезмәткәрләр генә аңлый шул. Совет властена көн-төн «хезмәт» итүчеләргә дә, җитәкчеләргә дә, коллегаларына да, асрамага алган кызына да ул кирәк түгел...

Чын тормышны сурәтләгән әлеге әсәр бүгенге көн белән дә аваздаш. Иленә, халкына хезмәт итеп, үзен корбан итүче даһиларыбызның кадерен ни дәрәҗәдә беләбез? Исән чакта тиешенчә хөрмәтлибезме? Лаеклы итеп соңгы юлга озатабызмы?..

Ялгызлык. Кадерсез булу. Кимсетелү. Бу төшенчәләр белән беребезгә дә күзгә-күз очрашырга язмасын иде.

Бүгеннән Кариев театрының афишасында тагын бер искиткеч спектакль урын алды. Тамаша кылырга ашыгыгыз!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    723
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    625
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    473
    0
    0

Блоглар