"ЯЛКЫНЛЫ ҖӘЙ" МАРАФОНЫ ҖИҢҮЧЕЛӘРЕ (ФОТО)

Комфорт зонасыннан чыгу – интернетсыз бер көн үткәрү, йога һәм медитация белән шөгыльләнү киләчәккә хат язу – болар барысы да күптән түгел узган "Ялкынлы җәй" марафоны турында!

Менә күптән түгел генә без "Ялкынлы җәй" марафоны җиңүчеләрен – Вәлиева Камилә, Кәримуллина Гөлзидә, Шәрифуллин Рафил һәм Фарсыева Энҗене үзебезгә кунакка чакырып бүләкләдек. Һәм әлеге очрашуның матур мизгелләрен безнең фоторепортаждан карый аласыз. Тик аңа кадәр, марафончыларыбызның 10 көн дәвамында куйган иң кызыклы инстаграм постларын сезгә дә тәкъдим итәбез!

Җиңүчеләребезнең берсе Фарсыева Энҗедән менә шундый креатив:

 
 
 
 
 
 
 
 
 
 
 
 
 

10 көнгә сузылган марафоныбыз да тәмамланды. 1⃣1⃣ көн - нәтиҗә ясау көне...🙏 Бер яктан, шатлыклы хәбәр, чөнки без максатыбызга ирештек - һәр көннең дә биремен үтәп бетердек (Кемнәр маладислар? Без маладислар!). Ә икенче яктан, ничектер моңсу, гүя якын дустың белән бик озакка аерылышасың, гүя август уртасында салкын көзге җил очып килеп җитте дә, сине иңсәсенә утыртып алып китеп, сентябрь аенда ташлап калдырдырды...🙈🙉🙉 Брр... Болай артык моңсуланмыйк әле! Әле күпме матур җәйге көннәр көтә бит безне, базардагы күпме сусыл кавын-карбызлар синең (нәкъ менә синең) үзләрен татып каравың турында хыялланып көтеп утыралар! 😋😍 Бу марафон үзенә шулкадәр ияләштерде ки, безнең гадәти көндәлек эшебезгә әйләнеп китте... Бу 10 көннең һәр иртәсен мин Ялкын белән башладым. Иртән хат килә икән - әһә, Ялкын яңа биремен җибәрде! Бу мизгелләрдә синең йөрәгең дөп-дөп тибә, бармакларың кабалану аркасында WhatsApp иконкасына басалмый азаплана, ә башта бер генә сорау... Бары тик бер генә сорау! Ялкын нинди бирем әзерләде икән? Ә аннан соң... Аннан соң көне буе бу биремне ничек оригинальрәк үтәп булу турында уйлап йөрисең. Биремне үтәгәч, аны Instagramга кертәсең һәм 1 лайк, 5 лайк, 10 лайк... О, коммент!.. "Көн юкка узмады" дигән татлы уйлар белән йокларга ятасың...🌛 Ялкын, чын күңелемнән зур рәхмәт сиңа бу җәйге марафоның өчен! Син булмасаң, минем бу 10 көнем башка гадәти көннәр кебек үтәр иде дә китәр иде, ә син аларга үзең кебек үк ялкын өстәдең, якты буяулар керттең!🔥 Нәрсәләр генә эшләргә мәҗбүр итмәдең бит син, ә! Хәтта үземнең эчемдәге бер почмакта гомер итүче оялчан Энҗе түтәйне дә җиңдерттең (син булмасаң, оялчан Энҗе түтәй үзе төшкән видюшкаларны интернет челтәренә кертергә мәңге рөхсәт итмәс иде)... Кулларымны остарттың (күптән видео монтажлаган юк иде)! Ә, онытып торам, күпме яңа яхшы кешеләр белән таныштырдың (яңа подписчиклар һәм лайклар өстәдең, хи-хи). Һәр көнне бу кешеләр керткән постларны укып бару үзе бер ләззәт иде! 🤗 Ялкыным, мең рәхмәт! Бу истәлекле көннәрнең җәйге җылысы безнең күңелләребезне әле бик озак җылытып торачак!..🍃 P.S. Әлеге видюшечкада (пс, 305 фотодан тора) минем сине ничек яратуым чагылыш таба...❤ #yalkin #ялкын #ялкынлыҗәй @yalkin_zhurnali

Публикация от Энҗекәәй 😛 (@in.fars)

Безнең абсолют җиңүчебез Камилә слайм ясарга өйрәтә:

 Тагын бер җиңүчебез Гөлзидә Кәримова балачак фотосын кабатлый:

 
 
 
 
 
 
 
 
 
 
 
 
 

Балачак... Кешенең иң саф, иң самими, иң ирекле чагы... Мин хәзер мәктәп иншалары кебек башладым. Әмма бу чыннан да шулай. Балачакта без - ул без. Чөнки башканы белмибез. Балачакта рәхәт, бигрәк тә авыл баласына. Иртән ашап чыгып киттең, кичкә кадәр юк инде син. я егыл, я нишлә... Өйгә кайту юк, чөнки сине әти-әниләрең янәдән чыгарыр дигән гарантия дә юк. Ә ул иртәдән кичкә кадәр ниләр булганын берәү дә белми... . Минем балачагым шулай үтте) Ә 1 нче фото якынчы 12-13 ел элек .Аның да үзенең хикәясе бар. Әниемнәр апама бүләк итеп шушы аюны алып кайттылар. Ул аю янында фотога төште. Минем дә янда каласы килмәгәндер мөгаен. Килгән дә төшкән. Йөздә барысы да күренә... . #ялкын #ялкынлыҗәй марафонында катнашам #yalkin @yalkin_zhurnali

Публикация от Гульзида Каримуллина (@gulzida_kerim)

Марафончыбыз Рафил вайнер буларак үзенең тәүге адымнарын ясый: 

Менә шундый марафон! Я сине дә кызыктыра алдыкмы? Кызыктырсак, безнең яңалыкларны үкзәтеп барырга онытма, һәм конкурс-марафоннарыбызда үзеңне сына! Ә хәзер, рәхим итеп, безнең очрашу фотоларын карап бак😉

Илназ МӨХӘРЛӘМОВ фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    853
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    781
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    677
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019