«ЯЛКЫН»ЛЫЛАР - ДӘҮЛӘТ СОВЕТЫНДА

Дәүләт Советына эләгү чынга ашмаслык хыял кебек иде. Рөстәм Миңнеханов, Фәрит Мөхәммәтшин, Разил Вәлиев, тагын 100 депутат... Алар кем дә, без кем! Ничек шундый үрләргә күтәрелергә була?!

Моңа кадәр мин әнә шулайрак уйлый идем. Ләкин, нинди генә хыял булмасын, ул чынга ашарга мөмкин икән бит. Тик аның өчен тырышлык куярга гына кирәк. Мин дә тырыштым: «Ялкын» журналына үзем өчен кызыклы булган темаларга мәкаләләр яздым, аларның кайберләре басылып та чыкты. Шундый зур басмада язмаларым чыгуга мин бик шат идем. Һәм, көтмәгәндә, «Ялкын» минем күптәнге хыялымны чынга ашырды - яраткан журналым үзенең иң актив иҗат итүче укучыларын «Лидерлар мәктәбе» кысаларында Дәүләт Советына очрашуга алып барды.

25нче март. Ирек мәйданы. Бер зур гына бина. Аңа эре хәрефләр белән «Дәүләт Советы» дип язылган. Үзеңә таба ачыла торган зур гына ишекләр. Ә ишекләр артында  мин күрергә хыялланган дөнья...



Башта, безне бина белән таныштырып, экскурсия үткәрделәр. Кече зал, урта зал - хәйран калдым.

Менә безне бер бүлмәгә кертеп утырттылар. Озынча өстәл. Камералар. «Ни бу? Кая килеп эләктем?!» –  дип уйлыйсың. Аннан аңыңа киләсең. Берни дә булмагандай утырырга тырышасың. Булмый, булмый бит, йөрәк ашкына! Хисләр уйный...



Менә залга Фәрит Мөхәммәтшин, Разил Вәлиев һәм мин белмәгән берничә кеше килеп керде. Торып бастык. Исәнләштек. Мине ниндидер курку биләп алды. Фәрит абый безне аңлагандай елмайды да: «Курыкмагыз, мин дә әллә кем түгел, сезнең кебек үк кеше», – диде. Әйтерсең күңелгә нәкъ менә шул сүз генә кирәк иде. Мин тынычлана төштем. Фәрит Мөхәммәтшин үзе белән таныштыра башлады, безнең киләчәк белән кызыксынды. Без дә аңа бик тиз ияләштек. Ул бик бала җанлы кеше булып чыкты. Без аңа төрле сораулар бирдек, үзебезгә яңа сабаклар алдык...

Мин бу очрашудан бүтән кеше булып кайттым. Үз-үземә ышанычым артты, кеше фикерен, тәнкыйтьне кабул итәргә өйрәнгәндәй булдым. Иң мөһиме: республикабыз җитәкчеләре кебек булуның серенә төшендем. Моның өчен тырышырга, үз-үзеңә максат куярга кирәк. Җиңел генә бернигә дә ирешеп булмый. Кем белә, бәлки, без дә киләчәктә депутат, берәр нинди җитәкче булып куярбыз әле...



Ләйсән Абдрахманова

Илназ Мөхәрләмов фотолары

ТАГЫН УКЫГЫЗ:




БЕЗ – ДӘҮЛӘТ СОВЕТЫ КУНАКЛАРЫ!


Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    5105
    2
    102
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2974
    1
    91
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2583
    0
    63
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1922
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1621
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    114
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    117
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019