ЯҢА ЕЛ КӘЕФЕН БУЛДЫРУНЫҢ 8 ЫСУЛЫ

Ике кешенең береннән: “Әй, әллә нәрсә шунда. Яңа ел кәефе дә юк...” кебек сүзләр ишетелә. Шуңа күрә без бүген бергәләп АНЫ, ягъни Яңа ел кәефен барлыкка итерүнең серләрен ачачакбыз! Киттек!

1. Өйне бизәгез.

Матур итеп! Зәвык белән! Бәйрәмне визуальләштерүдән дә күп нәрсә тора бит. Җем-җем янучы гирлянда, чыршы, кар бөртекләре, җылы плед, шәмнәр шул Яңа ел бит инде ул.

2. Пешеренегез.

Декабрь ае – үзеңнең аш-су сәләтләреңне ачу өчен менә дигән вакыт! Мисал өчен, әйдә печенье пешереп карыйбыз. Корица, имбирь белән! Печенье пешкәндә чыккан тәмле исләр иң каты күңелле кешенең дә күңелен җебетер. Өстәвенә, нәрсә дә булса әзерләгәч, кунаклар дәшәргә мөмкин. Тәмле чәй эчә-эчә рәхәтләнеп аралашып утыру үзе бер могҗиза бит ул.

3. Бүләкләр әзерләгез.

Якыннарыгыз нәрсәгә бигрәк тә шатланыр иде? Кибетләрдә ыгы-зыгы башланганчы, бүләкләрне бүгеннән үк әзерләп куйсаң яхшы. Бүләкне бит аны алу гына түгел, әзерләү, төрү, бүләк итү дә рәхәтлек китерә.

4. Яңа ел киносы карагыз.

Яңа ел  - бераз хыялланып алу өчен менә дигән вакыт. Яңа ел турында иң тылсымлы кино, мультфильмнар исемлеген төзегез, йә булмаса Интернеттан алыгыз һәм җылы пледка уранып, какао эчә-эчә аларны карый башлагыз.

5. Фотоаппарат алып урамга чыгыгыз.

Фотога төшү, табигатькә карап хозурлану, күкрәк тутырып саф һава сулау, кар атыш уйнау, Кыш бабай тәгәрәтү өчен дусларыгызны (үзегез генә дә мөмкин!) һәм фотоаппаратыгызны ияртегез дә, урамга чыгыгыз.

6. Хат языгыз.

Хатны әти-әниләргә, якын кешеләргә, дус-туганнарга җибәрергә мөмкин. Төп шарт – аның кулдан язылган булуы. Ни өчен алаймы?  Чөнки кәгазь хатлар Интернеттагы хатларга караганда күпкә кадерлерәк була һәм озаграк саклана.

7. Яңа ел музыкасы тыңлагыз.

Спорт белән шөгыльләнгәндә дә, урамнан барганда да, савыт-саба юганда да тылсымлы көйләр яңгырап торса, Яңа ел кәефе үзеннән-үзе барлыкка килә, имеш.

8. Нәтиҗәләр ясагыз, планнар корыгыз.

Узган елда ирешкән уңышларыгызны барлагыз. Бик аз кебек тоелса да. Алар барыбер бар. Киләсе елга планнар төзеп кую да бик мөһим. Язылган әйбер чынга аша. Бер ел узгач, шулаймы-юкмы икәнен тикшерербез.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 11 июнь 2020 - 15:54
    ТУГАН ЙОРТ БУСАГАСЫ Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара.
    6456
    3
    59
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1325
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1141
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019