WORLDSKILLS-2020: КАЙЧАН? КАЙДА? НИЧЕК?

6-21 сентябрь көннәрендә “Яшь профессионаллар” (WorlSkills Russia) - 2020 чемпионатының финалы узачак. Быел ул 8нче тапкыр үткәрелә. Аны теләгән һәркем карый ала. Тулырак безнең язмада.

- Ярышларның ничек узганын теләгән һәркем карый ала, - диде матбугат конференциясендә Татарстанның мәгариф һәм фән министры Рафис Борһанов, - көн дә 4 сәгать дәвамында Youtubeта чемпионаттан мизгелләрне күрергә мөмкин. Быел финал башкачарак уза. Сайлап алу турларының күпмедер өлеше дистанцион форматта узды. Финал да өлешчә шундый форматта үтәчәк.

Рафис Борһанов узган ел Казанда узган WorldSkills дөнья чемпионатыннан соң эшче һөнәрләргә караш үзгәрде, дип саный:

- Узган елгы чемпионаттан соң эшче һөнәрләр тагын да популярлашты дип саныйм. Көллиятләрнең кайберләрендә бер урынга 6 кеше дәгъва кыла. Мәсәлән, педагогика көллиятендә студентларның уртача аттестат баллы “5”тән бераз гына түбән, - ди ул.

Чара шактый зур масштаблы булыр, дип көтелә. Ул көллиятләрдә һәм махсус үзәкләрдә үтәчәк. Татарстанда бәйгеләр 45 урында оештырыла. Аларның 24 – Казанда, 21е - республиканың башка пунктларында.

“ТРда һөнәри компетенцияләрне үстерү үзәге” генераль директоры Эмиль Гобәйдуллин чемпонат турында:

- Быел 158 компетенциядә 206 кеше катнашачак, - ди, - быелгы чемпионатка өметләребез бик зур, бүгенге көндә зур әзерлек бара.

Тумышы белән Менделеевск шәһәреннән булган 17 яшьлек Айрат Шәрәфетдинов әлеге хәрәкәткә инде 2016 елда ук кушылган икән:

- 5 сыйныфта укыганда миңа химик анализлар белән шөгыльләнергә тәкъдим иттеләр. Озак та үтми Казанда узган бәйгедә без 1 урынны яулап кайттык. Берничә ел элек Казанга күченеп килдем, максатым үз компетенциямдә яңа уңышларга ирешү иде. Укытучым миңа үземне башка юнәлештә сынап карарга тәкъдим итте һәм ул миңа күбрәк ошады. Мин катнаша торган компетенция “космик системалар инженериясе” дип атала. Ныклап әзерләндек, нәтиҗәдә республикада 1 урынга лаек булдык. Аннан Россия буенча 4 урынга чыктык. Быел да Татарстан буенча беренчелекне яуладык. Россиякүләм ярышларда да җиңүгә өметебез зур, - ди яшь катнашучы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    840
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    797
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар