УКЫТУЧЫГА БҮЛӘК. НИНДИ?

5 октябрь – укытучыларыбызның көне. Мәктәптә укыйсыңмы, әллә инде күптәннән тәмамладыңмы – анысы мөһим түгел. Әлеге көнне укытучыларыбызның күңелен күреп, аларга карата булган рәхмәт хисләребезне җиткерү мөһим. Әгәр рәхмәтеңне чын күңелдән бирелгән бүләк аша җиткерергә телисең икән, рәхим ит! Бу эшне яхшы итеп башарып чыгарга сиңа “Ялкын” ярдәм итәр ;-)

Мондый бүләкләр һәр укытучының күңеленә хуш килер һәм башка бүләкләрдән аерылып торыр:

Өстәл әзерләргә мөмкин


Әти-әниләрме, укучылар үзләреме – бу эш һәркемнең кулыннан килер. Туй өстәле әзерләү мәҗбүри түгел. Укытучыгызның яраткан ризыкларын алып, шуның янына торт, чәй, сок, җиләк-җимешләр өстәп, әлеге бәйрәмне чөкердәшеп уздырырга була.

Сертификат бүләк итү – яхшы гамәл


Ничек кенә баналь булса да, сертификат беркайчан да артык түгел. Өстәвенә укытучыгызның кызыксынуларын белеп алып, ул яратып йөргән кибет яки башка җиргә сертификат алырга була бит. Китап кибетеме ул, әллә спа-салонга сертификатмы – иң мөһиме чын күңелдән булсын!

Театр, концертка билет!


Укытучыңның яраткан театрын яки җырчысын белмисеңме? Алайса классик спектакль яки концертларны сайларга мөмкин.

Укытучыңны мастер-класска җибәр ;-)


Укытучының тормышы күп очракта мәктәп белән генә чикләнә. Әнә шул даимилеккә ямь кертеп җибәрү өчен укытучыны берәр мастер-класска юллама бирергә була. Бәлки уктучыгыз ашарга пешерергә яратадыр, ә бәлки, кул эшләре белән кызыксынадыр?

Укытучыга бүләк итмәскә киңәш итәбез:


-          Косметика һәм парфюм. Аларны һәр кеше үзенең зәвыгы һәм тән үзенчәлекләреннән чыгып сайлап алырга тиеш.

-          Кием. Аны да кеше үз сайлап ала. Башкалар биргән кием аңа килешмәскә, үлчәме туры килмәскә мөмкин.

-          Акча.

-          Спиртлы эчемлекләр.

P.S. Ә дөресен генә әйткәндә укытучыларга әллә ни күп тә кирәк түгел бит. Әгәр бүләк бирергә мөмкинлегең булмаса, ул синнән еракта булса, гап-гади бер эчкерсез смс белән дә укытучының күңелен эретү җиңел. Бергәләп эретәбезме? ;-)

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    745
    0
    2
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    718
    0
    4
  • 19 декабрь 2020 - 10:35
    «ТАШБАКА»: БАЛЫК ПИРОГЫ РЕЦЕПТЫ Бу пирог һәркемнең йөрәген яуларга сәләтле. Әллә ни күп әйбер дә кирәкми!
    618
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019