УКЫГАН ӘЙБЕРНЕ НИЧЕК ИСТӘ КАЛДЫРЫРГА? (КИҢӘШЛӘР)

Әлеге сорау гомер-гомергә бөтен мәктәп укучысын һәм студентларны борчый. Бүген без сиңа ярдәм итәргә тырышачакбыз! 

1. Укыган әйберне башкаларга сөйләгез. Бик авыр мәгүлүматлы текстларны укыганнан соң кемгә дә булса сөйләү аны истә калдырырга булыша.

2. Кычкырып яки пышылдап  түгел, эчтән укыгыз. Ник дигәндә, кычкырып укыган вакытта укылган мәгълүматның истә калу ихтималы бермә-бер кими, чөнки сез, иң беренче чиратта, текстка түгел, ә үзегезнең ничек укуыгызга, интонациягезгә игътибар итәчәксез. 

3. Укыган әйберне кыскартып языгыз. Бигрәк та катлаулы булган кайбер өлешләрне ак кәгазьгә төшерү мәгълүматны истә калдырырга һәм хәтердә яңартырга ярдәм итә. 

4. Укый башлар алдыннан игътибар белән карагыз: сезгә бер нәрсә дә комачауламыймы? Эшләп торган телевизор янында, машина тавышы ишетелеп торган урында уку бик үк рәхәт түгел. Шуңа күрә катлаулы текстлар укыганда уңайлы итеп утырыгыз, утны кабызыгыз һәм рәхәтләнеп укыгыз. 

5. Шулай ук белгечләр текстны периферик рәвештә укырга тәкъдим итә. Ягъни бу вакытта без текстны юллап түгел, ә өстән аска укыйбыз. Болай эшләгәндә текст тизрәк укыла. Тик кеше бу очракта бөтен мәгълүматны да түгел, ә өлешләп кенә укырга өлгерә. Шулай да болай итеп укылган әйбернең төп эчтәлеген үзләштерегә мөмкин. 

6. Укыган мәгълүмат турында берәр кеше белән сөйләшегез, бәхәсләшегез. Бу кеше дә әлеге текстны укыган булса, бигрәк тә яхшы. Болай эшләгәндә яңа мәгълүмат икегезнең дә башыгызда яхшырак сакланыр. 

7. Текстлар укыр өчен иң яхшы вакыт ул – иртә. Нәкъ менә иртән баш мие бар куәтенә эшли. Әгәр иртән тору авыр бирелсә, бу эшне көндезгә калдырырга була. Ә менә йокларга ятар алдыннан уку – начар гадәт. Беренчедән, укылган әйбер хәтердә калмый, икенчедән, йокы бик үк тыныч булмаячак. Тик менә кайбер кешеләр кичен яки төнлә яхшырак истә калдыра. Шуңа күрә әлеге киңәшне үзегезнең биологик сәгатьләрегездән чыгып кулланыгыз. 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (1)
Осталось символов:
  • 7 сентябрь 2019 - 22:43
    Гузель
    Иртә белән укырга кирәк дигәнгә бәйле... Йоклар алдыннан укыган мәгълүматны баш мие яхшырак истә калдыра, диләр түгелме соң7?
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    913
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    798
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    720
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019