ТРАНСПОРТТА БУШЛАЙ ЙӨРИСЕҢ КИЛСӘ – ГРАНТ ӨЧЕН КӨРӘШ!

2019 елның февралендә, җәмәгать транспортында йөрү бәясе арткач, бу студентларның такыр кесәсенә тагын да ныграк сукты. Казанда билет бәясенең 25 сумнан 27гә күтәрелүе әллә нинди коточкыч яңалык тоелмаса да, тамчыдан күл җыелганын онытмаска кирәк. Җитмәсә, 50 тапкыр транспортта йөрүгә бәйле айлык проезднойлар да бетерелде. Бу проблема белән студентлар петицияләр дә язып карады. Тик, нәтиҗәсе булмады. Ниһаять, бу проблеманы хәл итү юнәлешендә боз кузгала башлады, бугай.

Хәзер Татарстанның Яшьләр эшләре министрлыгы студентлар арасында транспорт грантын алуга конкурс игълан итә. Транспорт чыгымнарын каплау максатыннан бирелгән грантны көндезге бүлектә укучылар ала ала. Быел беренче тапкыр әлеге бәйгедә аз керемле гаиләләрдә үскән, ярдәмгә мохтаҗ студентлар категориясе дә катнаша ала. Моның өчен гаиләнең бер әгъзасының кереме 20 мең сумнан артмаска тиеш. Әлеге категориягә керүчеләр транспорт грантын иң беренчеләрдән булып алачак. Бу – аларга дәүләт тарафыннан бирелгән социаль ярдәм.

2019 елда транспорт грантын 5792 студент алачак. Мондый төр социаль ярдәмнең гомуми суммасы 60 миллион сум.

Дамир Фәттахов, Татарстанның яшьләр эшләре министры:

– Транспорт гранты студентлар мохитендә үзен яхшы итеп күрсәтергә өлгерде. Бу елдан башлап, без дифференциация кертергә булдык. Шуңа да әгәр кечкенә шәһәрләрдә, транспорт билеты бәясе арзанрак булганлыктан, студентларга айлык юл йөрү чыгымнарын каплау 800 сум булса, Яр Чаллы, Түбән Кама, Әлмәт, Алабуга шәһәрләрендә – 1000, Казанда 1100 сум. Бу актив студентларга мотивация генә түгел, ә реаль ярдәм дә әле. Чөнки һәр студент ай саен юл чыгымнарына төгәл сумма ала.

Ярдәмгә мохтаҗ студентлардан кала, транспорт грантына уку буенча бурычлары булмаган һәм фән, иҗтимагый, спорт һәм иҗади эшчәнлектә үзләрен актив күрсәткән чит ил студентлары да дәгъва кыла ала.

Транспорт грантын алыр өчен, студентларга гариза язарга, аңа документ һәм белешмәләрне беркетергә кирәк була. Алар Татарстанның вуз һәм ссузларында 6 декабрьгә кадәр кабул ителә. Шулай ук уку йортларында махсус эксперт комиссияләре формалашачак. Нәкъ менә алар җиңүчеләрне билгелиячәк. Экспертлар – уку йорты администрациясе һәм студентлар берләшмәсе вәкилләре.

Белешмә:

Транспорт субсидияләрен алуга конкурс елга ике тапкыр уздырыла. Сигез ел дәвамында, 2011-2018 елларда, анда 80 000 студент катнашкан. Аларның яртысыннан артыгы – 45 000 кеше мондый субсидияне алган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2660
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    830
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    710
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019