ТЕКӘ ФОТОСЕССИЯ ӨЧЕН ИДЕЯЛӘР

Җәй ул – кояш, яшеллек, чәчәкләр, җиләк-җимеш... Без, кызлар, фотога төшәргә яратабыз инде. Елның шундый матур чагында бигрәк тә! Әйдә, үзебезгә үзебез фотосессия оештырабыз? Аптырап калдыңмы? Гаҗәпләнмә, чөнки бу бер дә катлаулы түгел.

«Локация», «ракурс» һәм «образ»да булган иң ошаган вариантны сайлап ал, фотога төшерергә яратучы дустыңны чакыр (дусларың арасында андый кеше, һичшиксез, бар инде), камераңны яки телефоныңны әзерлә һәм алга! Матур фотолар эзеннән!

Җиләк-җимеш белән портрет

Җиләк-җимешләрнең ниндиләре генә юк бит хәзер! Җыеп кына өлгер! Бакчада кызарып өлгергән алмалар белән дә, базардан алынган цитруслар белән дә төшәргә була. Иң мөһиме – камерага елмаерга онытма!

Локация: җиләк-җимеш төсендәге фон.

Образ: үрелгән яки үзенчәлекле итеп җыелган чәчләр, ачык төстәге мейк.

Ракурс: йөзеңне якыннан яки өстән төшерергә.

Битлек + чәчәкләр = шедевр

Битлекләрдә дә матур була алабыз бит, кызлар! «Маскалы» җәй хакында оныкларыбызга сөйләгәндә, шул фотоны күрсәтербезJ

Локация: киң урам; өй; көзге яны.

Образ: күзләргә мейк-ап, битлекне үзең тегеп тә, аңа рәсем ясап та, чәчәкләр беркетеп тә була.

Ракурс: якыннан портрет яки билдән сурәт.

Чиксез күк һәм син

Һаваларны иңләп очкан  кошлардай, син дә азат хатын-кыз образын гәүдәләндерәсең. Фантазия – күктә. Аның иң матур вакытын тотып ала белергә  генә кирәк. Чәчәкләрне кулыңа алып, аларны суз, тирән итеп сула һәм «щёлк»!

Локация: ачык җир, болын.

Образ: җилкәгә таратылган чәчләр, озын күлмәк, табигый макияж.

Ракурс: кадрның яртысыннан күбрәгендә – күк йөзе.

Күңелендә һәр кыз – флорист

Хуш исләр аңкып торган чәчәкләр кибетендә букет җыясың. Йөзеңдә – елмаю!  Йә, нинди чәчәкләрне яратасың? Гөлчәчәкләр, лаләләр, әллә канәферләрме? Үзең җыйган иң матур бәйләм белән фотога төшеп, аны дөньяга чыгарсаң, башкалар да яраткан чәчәкләреңне белеп торачак.

Локация: чәчәкләр кибете

Образ: өскә – принтлы күлмәк, башка – тасма, кулларга – чәчәк бәйләме. 

Ракурс: чәчәкләр арасында.

Өйдәге «матурлык салоны»

Безгә еш кына визажист булырга туры килә! Күзләрне буяп яки иннек сөртеп фотога төшү дә, аерым бер сәнгать төре сыман, әзерлек һәм тәҗрибә сорый. Сөрмә буяганда авызны ачаргамы? Монда фотограф киңәшен тыңлап эш ит.

Локация: гримёрка, юыну бүлмәсе яки көзге каршысы.

Образ: ачык төстәге күлмәк яки ялтыравыклы топ, башка чалма кебек уралган сөлге.

Ракурс: кырыйдан яшерен камера төшергән кебек.

Спортка гашыйк

Спортны үз итәсең, сәламәт яшәү рәвеше алып барасыңмы? Әйдә, үз артыңнан башкаларны да иярт! Күнегүләр ясаганда, фотографтан шул  мизгелләрне «тотарга» сора. Синең матур буй-сыныңа сокланып, башкалар да спортны үз итә башлаячак!  

Локация: стадион, турник, гимнастика залы.

Образ: спорт киеме, кроссовкалар.

Ракурс: билгә кадәр яки гәүдә озынлыгында төшәргә мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2467
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2306
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1954
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019