ТАТАРСТАННЫҢ ҮЗ «АРТЕГЫ» БУЛАЧАК!

Кырымда урнашкан, танылган “Артек” хәзер безнең республикада да  булачак. Түбән Камадагы “Кама” лагеры “Губернатор лагере” Бөтенроссия проектына кертелгән. Анда “Артек” халыкара балалар үзәгенең сертификацияләнгән сменалары узачак.

“Җәй – балаларга” президент программасы ярдәмендә әлеге лагерьны менә дигән итеп яңартканнар. “Артек”ның сертфиикацияләнгән белем бирү сменаларын биредә уздыру балалар ялының сыйфатын яхшыртачак, яңа профильле сменалар барлыкка китерәчәк. Әлегә мондый “Губернатор лагерьлары” Россиянең бары 6 төбәгендә генә бар.

Мондый ял итү зонасы белән Татарстан Президенты Рөстәм Миңнеханов та танышты. “Балалар һәм яшүсмерләрнең тормышы, сәламәтлеге һәм үсеше өчен уңайлы шартлар тудыру – безнең өстенлекле бурычыбы. Шуңа да ял һәм сәламәтләндерү өчен яңа урыннар булдыру, искеләрен төзекләндерү ТАССР оешуга 100 ел программасының бер өлеше булып тора”, – ди ул. Рөстәм Миңнеханов балачагында лагерьларда булган, шул исәптән “Артек”та да. “Әлбәттә, анда яхшы, тик сездә шәбрәк”, – ди Президент.

“Кама Артегы” Татарстанда иң зур лагерьларның берсе булачак. “Артек”ка барырга теләүчеләр бик күп. Ул аның кадәр кешене кабул итеп бетерә алмый. Шуңа да бездә, Татарстанның үзендә, Түбән Кама районының иң матур урынында, шундый заманча балалар лагерын ачу бик мөһим. Биредә ялны кызыклы һәм сыйфатлы итү өчен бар нәрсә дә бар. Безнең яңа “Кама” лагере, һичшиксез, илдә иң яхшыларының берсе булачак”, – ди Татарстан яшьләр эшләре министры Дамир Фәттахов.

Төзекләндерү барышында лагерь шактый гына үзгзрешләр кичергән. “Кама Артегы”на “Зәңгәр күл” лагере килеп кушылган. Керү капкалары, торак корпуслар яңартылган (хәзер алар 372 кешегә исәпләнгән). Кухнясы, туклану залы, лагерь территориясе дә яңа. Заманча спорт мәйданчыклары, иҗтимагый киңлекләр, тематик арт-объектлар барлыкка килгән.

“Кама Артегы”ның бер корпусы мөмкинлекләре чикле кешеләр өчен яраклаштырылган. Шулай ук балаларның куркынычсызлыгын да иң югары дәрәҗәдә тәэмин итәчәкләр.

Лагерьда төзекләндерү эшләре тулысынча тәмамланган диярлек. Ул үзенең ачылышын көтә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1363
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1171
    1
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    756
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019