ТАТАРСТАНДА БЕРЕНЧЕ КАР КАЙЧАН ЯВА? ЯКЫН КӨННӘРДӘ НИНДИ ҺАВА ТОРЫШЫ КӨТЕЛӘ?
Шушы көннәрдә Татарстанда һава торышы нык үзгәрәчәк. Ә кар кайчан явар дип көтелә?
Бу Россиянең Европа территориясенә болытлы циклоннар килеп керүгә бәйле. Республиканың аерым районнарында салкынайту һәм хәтта кар явуы көтелә. Бу турыда ТРның гидрометеорология һәм әйләнә-тирә мохитне мониторинглау идарәсендә хәбәр итәләр.
Синоптиклар атмосфера басымының тирбәнүен дә фаразлый. Җомга, 16 октябрь көнне, республикада җылы һава торышы сакланачак. Төнлә 5-10 градус көтелә, ә көндез һава температурасы 17 градуска кадәр җитәчәк. Төнлә һәм иртән яңгыр явуы көтелә, көндез җил көчәергә мөмкин (17 м/с ка кадәр).
Шимбә көнне төнлә яңгыр явуы фаразлана, республиканың төньяк өлешендә юеш кар да явуы ихтимал. Көндез урыны белән яңгыр яварга мөмкин. Төнлә 2 градуска кадәр суытыр, көндез 5-10 градус җылы булыр дип көтелә.
18 октябрьдә иртән һәм көндез яңгыр яву ихтималы бар, кайбер районнарда юеш кар да яварга мөмкин.
Урыны белән җил 15−17 м/с ка кадәр көчәячәк. Төнлә температура +1дән -5кә кадәр җитә ала, көндез +12гә кадәр җитәргә мөмкин.
19ы көнне төнлә урыны белән яңгыр көтелә, көндез явым-төшем булмаячак. Көндез температура 7−12 градус булыр, дип фаразлана. Сишәмбе көнне явым-төшемнәр көтелми, һава торышы 4−9 градусны тәшкил итәчәк.
Следите за самым важным и интересным в Telegram-каналеТатмедиа
Белми калма
-
24 апреля 2024 - 16:57
КАЗАНСУ ЯР БУЕНДА ЭКОСТАНЦИЯ АЧЫЛА
-
23 апреля 2024 - 15:03
БАРЫ ТИК АЛГА: ТАТАРСТАНДА «АЛДЫНГЫЛАР ХӘРӘКӘТЕ»НЕҢ ФОРУМЫНА СТАРТ БИРЕЛДЕ
-
21 апреля 2024 - 13:16
ORMAN. TÜRK – ТӨРКИ-ТАТАР МИФЛАРЫ БУЕНЧА ИНТЕРАКТИВ КҮРГӘЗМӘ
-
20 апреля 2024 - 10:07
УКУЧЫЛАР ӨЧЕН НЕЙРОЧЕЛТӘР БЕЛӘН ЭШЛӘҮ БУЕНЧА КУРСЛАР ОЕШТЫРЫЛА
Нет комментариев