ТАТАР БЛОГЕРЛАРЫ vs ФӘРИТ МӨХӘММӘТШИН

8 июнь көнне Татарстан Дәүләт Советы Рәисе Фәрит Мөхәммәтшин Теләче Сабан туенда татар блогерлары белән очрашып сөйләшкән.

Әлеге үзенчәлекле вакыйга «Татар малай» буларак танылган блогер Ринат Галиәхмәтов инициативасы белән оештырылган. Берничә ай элек ул Фәрит Мөхәммәтшин белән рәсми чара вакытында күрешә һәм татар блогерлары белән җыелып сөйләшергә тәкъдим итә. Һәм, менә, Дәүләт Советы рәисе аларны Теләче Сабантуена кунакка чакыра.



– 12дән артык блогерга әйткән идем, күбесе Сабантуйлар чоры булгач, килә алмады, – ди блогер. –  Теләчедә безне vip-кунаклар кебек каршы алдылар, бергәләп ат ярышы карадык. Аннан Фәрит Хәйруллович белән рәхәтләнеп сөйләшеп утырдык. Башта 7-10 минут булыр, дип әйткәннәр иде. 40 минут вакытның узып киткәнен сизми дә калганбыз.

Яшь блогерлар очрашу вакытында Дәүләт Советы Рәисен үзләре белән таныштыра, ни белән шөгыльләнүләрен сөйли. Фәрит Мөхәммәтшин, мөмкинлектән файдаланып, алардан Инстаграмны алып бару серләрен cораша. «Татар малай»ның: «Гаиләгез турында күбрәк сөйләгез, андый постларны халык яратып кабул итә», – дигән тәкъдименә ул:

– Без бит татарлар, тыйнак булырга тиешбез, «мактана» дип әйтерләр, шуңа анда күбрәк эш моментларыннан мизгелләр генә куела, шулай да бик кызыклы тәкъдим, уйлармын әле, – дип җавап кайтара.

“Инстатарки” кызларының берсе Альбина Харисова, бу турыда “ул үз эшен эшләсен, без үз эшебезне эшлик” ди:

– Инстаграм дөньясына килеп кергәч, безгә бик күп негатив белән очрашырга туры килде. Сәясәтче кешегә болай да авыр, Инстаграм аша да тәнкыйтьли башласалар, башы ярылыр. Ул үзе эшен эшләсен, без үз эшебезне эшлик. Очрашудан соң Фәрит Хәйруллович бик позитив кеше икән, дигән нәтиҗәгә килдем, аның белән сөйләшергә дә, аны тыңларга да бик рәхәт.



Инстаграмда «Кызык-мызык»  аккаунтын алып баручы блогер Илназ Габидуллин Дәүләт Советы Рәисенә татарларның үсеш стратегиясен тормышка ашыруда үз өлешләрен кертергә теләүләрен әйткән:

– Татарларның үсеш стратегиясендә Интернет, социаль челтәрләрнең роле зуррак булсын иде, дигән теләкне җиткердем. Безнең дә әйтер сүзебез, теләк-тәкъдимнәребез бар. Ул моны хуплады. Бу темага Президент белән дә сөйләшергә вәгъдә бирде, – диде.



Шулай ук  Илназ хәзерге вакытта туена әзерләнүен, ә аннан соң  аңа язылучыларны яңа кызыклы проектлар көтәчәген дә әйтте.
Ахырдан Мөхәммәтшин, бонус итеп, блогерларга Теләче районы һәм аның оешу тарихын сөйли. Район 2021 елда үзенең 30 еллыгын билгеләп узачак. Сәясәтче сөйләвенчә,  1991 елда җирле халык: «Безнең Саба районында яшисе килми, үзебезнең Теләче районы булуын телибез», – дигән гозер белән чыга. Ул чактагы Президент Минтимер Шәймиев Америкага эшлекле сәфәргә китән була. Үзе кайтышка, республикада яңа район пәйда булуын белеп, шакката, моны эшләүчеләргә хәйран гына эләгә дә әле.



 

Барлык блогерлар да очрашудан бик канәгать калуларын әйтте. Шулайдыр шул, алай булмаса, Инстаграм битләренә: «Мактанып китим әле: минем телефонны Элвин Грей тотып, үзен төшерде, Фәрит Хәйрулловичның кулына да эләкте. Все. Мин официально бәхетле», - дип язып элмәсләр иде.  Сүз уңаеннан, бу очрашу соңгысы булмаячак. Фәрит Мөхәммәтшин блогерлар белән рәсмирәк шартларда очрашып сөйләшергә килешкән.

Зилә САБИТОВА

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4849
    2
    96
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2879
    1
    81
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2459
    0
    59
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1888
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1580
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    107
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    110
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019