Төрки яшьләре Казанда кунакта

Әле күптән түгел генә (15 октябрьдан 21 октябрьга кадәр) Казанда Төрки яшьләр фестивале узды.

Әлеге инде традицион булып киткән фестиваль “Волга” Яшьләр үзәгендә инде бишенче тапкыр үткәрелә. Татарстанда беренче тапкыр 1992 елда үткәрелгән Төрки яшьләре корылтаеннан байтак вакыт узган һәм бу еллар эчендә чара саллы гына уңышларга ирешкән һәм ныклы нигезе белән мактана ала.





Оештыручылар (ТР Яшьләр эшләре министрлыгы, Татар милли-мәдәни федераль автономиясе, ТР Яшьләр оешмалары шурасы, “Идел” яшьләр үзәге) белдергәнчә, фестиваль максатлары – төрки бергәлек яшьләрен милли-мәдәни җыйнау, туплау, берләштерү, яшьләр сәясәте, фән, мәдәният һәм белем бирү өлкәсендә мәгълүмати багланышларны көйләү, төрле төбәк һәм илләрдә төрки яшьләр оешмалары каршында торган проблемаларны күмәкләшеп хәл итү.

Чараның эчтәлеге күңел ачу белән генә чикләнми, әлбәттә. Казан кунаклары “Татаркино” директоры Миләүшә Айтуганова, ТР кинематографистлар берлеге рәисе Илдар Ягафаров, кино тәнкыйтьчесе Әдилә Хәйбуллина белән эшлекле очрашуларда булды. Алар өчен Татарстан яшь иҗатчылары төшергән заманча кинофильмнар тәкъдир ителде.

Катнашучылар быелгы фестивальне бик җылы кабул итте һәм аның эш барышын, кабул ителгән нәтиҗәләрен шактый продуктив дип таныган. V фестиваль эшчәнлегендә Казахстан һәм РФнең 17 төбәгеннән 12 милләт вәкиле катнашкан.







 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    723
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    555
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    376
    0
    0

Блоглар