СУПЕРЭФФЕКТИВ КЕШЕЛӘРДӘН 8 КИҢӘШ

Диванда түшәмгә төкереп ятасыңмы? “Ялкын” сиңа яңа тормыш башларга тәкъдим итә! Киттекме?

 

  1. Роберт Игер: иртә торыгыз.

Disney студиясенең башкарма директоры көн саен 4:30 да йокысыннан тора икән. Уңышка ирешкән кешеләр якшәмбе көннәрдә 14.00 кә кадәр караватта аунап ятмый. 11гә кадәр дә ятмый. Тикшеренүләр күрсәтүенчә, безнең  баш мие уянганннан соң 2-4 сәгать эчендә бик актив һәм яхшы эшли. Ял көннәрендә дә иртәрәк торырга тырышыгыз. Һәм уңыш сезнеке булачак!

 

  1. Бенджамин Франклин: план булдырыгыз.
    Һәр кеше иртән уянгач үзенә: “Мин бүген нинди яхшы эшләр башкарырга тиеш?” – дип сорау бирергә тиеш. Уңышка ирешкән кешеләр андый эшләрнең мөһимлеген аңлый. Ял көннәре дә чыгарылма түгел. Әлбәттә, ял да кирәк. Әмма бу барысына да кул селтәргә, дигән сүз түгел.

 

  1. Тимоти Феррис: берьюлы әллә ничә эшкә алынырга кирәкми.

Күп кеше фикеренчә, берьюлы әллә ничә эш эшләсәң, яхшырак булачак. Бу алай түгел. Әллә ничә эшне бер үк вакытта эшләсәң, эффективлык та, продуктивлык та түбән булачак. Феррис, уңшка ирешү өчен, көненә 2 зур максат кына куярга киңәш итә.

 

  1. Анна Винтур: актив булыгыз.

Vogueның баш мөхәррире үзенә шундый максат куйган: көн саен бер сәгать дәвамында теннис уйнарга. Күп кенә уңышка ирешкән кешеләр спорт белән шөгыльләнә. Бу юкка түгел. Баш мие актив эшләсен өчен, тәнгә дә актив булырга кирәк.

 

  1. Стив Джобс: приоритетларны билгеләгез.

             Ял көннәре  ял итү, гармониягә ирешү өчен кирәк. Эш белән шәхси тормыш арасында балансны       

           сакларга тырышыгыз. Вакытны якын кешеләр, дуслар, туганнар белән үткәрергә тырышыгыз.

           Хәтта АКШ президенты да гаиләсе белән кичке аш ашар өчен вакыт таба.

  1. Уоррен Баффет: хобби өчен вакыт табыгыз.

 

Уңышка ирешкән кешеләрнең күбесе – төрле өлкәләр белән кызыксынучылар. Стресстан котылу, көндәлек мәшәкатьләрдән арынып тору өчен кешенең үз мавыгуы, яраткан һөнәре булырга тиеш.

 

  1. Билл Гейтс: фикерләрне анализлауга вакыт табыгыз.

Microsoftка нигез салучы берсендә болай дигән: “Уңышны бәйрәм итү – яхшы, әмма уңышсызлыклардан да нәтиҗә ясый белергә кирәк”. Көн азагында, ял көннәрендә артка таба бер адым ясап, эш-гамәлләргә бәя бирегез.

 

  1. Джек Дорси: алдагы атнага әзерләнегез.

Twitterга нигез салучы тәүлегенә 16 сәгать эшли. Әмма шимбә көнне ул ял итә. Ә якшәмбе көнне киләсе атнага әзерләнә. Чыннан да, дүшәмбе көнне уңышка ирешү өчен моңа әзерлекне якшәмбе башларга кирәк.
 


 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2647
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    799
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    690
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019