СТУДЕНТЛАР ҖӘЙГӘ НИЧЕК ӘЗЕРЛӘНӘ?

Җәйнең беренче аена да санаулы көннәр калып бара. Кем ничек әзерләнә бит инде! Кайберәүләр үзләре ял итәчәк лагерьларга чемоданнарын тутыра. Ә кемдер шул лагерьда яшүсмерләрнең ялын оештырачак, ягъни әйдаман булып эшләячәк. Кемнәр соң бу тырыш яшьләр дисезме?

Алар – хезмәт отрядлары составында торучы студентлар. Бу яшьләр хезмәт целинасына (отрядларда эшләү вакытын нәкъ шулай дип йөртәләр) әзерләнә. Җәй башында студент отрядлары вәкилләренең өченче хезмәт семестры башлана. Әлеге чорны яшьләр аеруча яратып көтеп ала, чөнки анда хезмәт тәмен тоеп үсә алар.



Өченче семестр ачылуның тантаналы чарасында яшьләр юлламалар да алды. Быел да студентлар үзләрен төрле юнәлештә сынаячак. Төзелеш комплексы, авыл, урман хуҗалыклары, энергетика, сервис, экология, сәламәтлк саклау, транспорт – бу тармакларның һәрберсендә республикабыз студентлары эшләячәк.

Безнекеләр космодром төзи!


Татарстанда студент хезмәт отрядлары бихисап. Шуларның берсе – Казан дәүләт архитектура-төзелеш университетының «Ирбис» студентлар отряды быел «Восточный» космодромы Бөтенроссия студентлар төзелешендә катнашу хокукын яулады. 2017 елда бу төзелештә илебезнең 28 отряды катнашачак.

Россия яшьлөре космик «төзелеш»тә 2012 елдан бирле эшли. 2014 һәм 2015 елларда анда Татарстанны «Казан», «Барс» отрядлары тәкъдим иткән иде. 2014 ел нәтиҗәләре буенча «Казан» студентлар отряды иң яхшысы, дип табылган иде.


Целинага районнарда да әзерләнәләр


Студент отрядлары Казан, Яр Чаллы кебек эре шәһәрләрдә генә түгел, районнарда да актив эшләп килә. Мисал өчен, Зәй районында яшьлөр быел да җәйне эшләп уздырачаклар.

Зәй студентлары Кырым республикасында җиләк-җимеш җыярга барачак. Ә әйдаманнар мәктәбе катнашучылары исә «Веселое лето», «Созвездие» лагерьларында балалар ялын оештырачак.

Шулай итеп, хезмәт отрядлары кандидатлары җәй башланганын түземсезләнеп көтә. Катлаулы, әмма шул ук авкытта кызыклы эшегездә уңышлар сезгә!

 

Алинә МИННЕВӘЛИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1344
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    456
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    428
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019