«СОЗВЕЗДИЕ-ЙОЛДЫЗЛЫК»: САЙЛАП АЛУ ТУРЛАРЫ ТӘМАМ

Күптән түгел Яшел Үзәндәге Горький исемендәге мәдәният һәм халык иҗаты үзәгендә «Созвездие-Йолдызлык» ХVIII ачык республика телевизион яшьләр фестиваленең соңгы сайлап алу туры үтте.




Фестиваль Татарстан Республикасы Президенты патронаты һәм ЮНЕСКО эшләре буенча Россия Комиссиясе эгидасы астында уза.



1 февральдән башлап зона бәйгеләре Татарстанның 10 шәһәрендә узды: Казан, Азнакай, Зәй, Яр Чаллы, Минзәлә, Чистай, Балтач, Лаеш, Иске Чүпрәле һәм Яшел Үзән. Аларда бөтен республикадан җыелган 20 000 артык яшь талант катнашты. Район сайлап алу этаплары җиңүчеләре һәм суперфиналга юллама отучылар саны – 5500 лауреат. Фестивальнең төп бүләкләре өчен алар 8-13 апрельдә Казанда көч сынашачак.


“Фестивальнең даими жюри әгъзасы буларак, “Йолдызлык”ны бөтен Россия киңлегендәге уникаль мәдәни күренеш дип саныйм”, - дип билгеләде илнең танылган педагог-хореографы Владимир Аносов.


Жюри рәисе, Татарстанның халык артисты Зилә Сөнгатуллина 2018 елны “Фестивальнең балигъ булу елы” дип атады. Аның әйтүенчә, бүген “Йолдызлык”та тәрбия алганнар үзләре остаз дәрәҗәсенә менә, Россиянең генә түгел, чит илләрнең иң мәртәбәле сәхнәләрендә чыгыш ясый. “Рузил Гатин бүген Ла Скалада эшли, вакыты бераз бушагач, мин аны Казан консерваториясенә мөгаллим буларак чакырырга исәплим”, - дип сөйләде ул.


Оештыручылар белешмәләренә караганда, быел фестивальдә катнашырга теләк белдерүчеләр саны 10 сайлап алу зонасының һәммәсендә дә 10-15% арткан. Әйтик, Чистай районыннан узган елны 120 гариза теркәлгән булса, быел ул сан 360ка менгән.


Унсигезенче «Созвездие-Йолдызлык» фестивале “Миллионынчы катнашучы” лозунгы астында уза. Оештыру комитеты карары буенча, бу елның барлык катнашучылары да миллионынчы дип санала.


«Созвездие-Йолдызлык» фестивале Татарстан Республикасы Хөкүмәте һәм Яшьләр эшләре һәм спорт министрлыгы ярдәме белән үткәрелә.



Фестивальдә катнашу бушлай, сайлап алу турлары җиңүчеләре киләсе турларда оештыручы хисабына катнаша: балалар ашау, яшәү урыны белән тәэмин ителә, алар өчен Россиянең әйдәп баручы белгечләре семинарлар һәм мастер-класслар үткәрә.



Россиядә әлеге фестивальнең аналоглары юк.




Фестивальнең рәсми сайты — yold.ru.



«Созвездие-Йолдызлык» фестиваленең матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    623
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    268
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    266
    0
    0

Блоглар