«СӘМРУХ»: «КҮПМЕ ҖЫЕЛА, ШУНЫҢ КАДӘР АКЧА БИРЕЛӘ»

24 февраль көнне «Пирамида»да VI тапкыр «Сәмрух» ел премиясен тапшырачаклар.

«Сәмрух» премиясе «Сәләт» оешмасы тарафыннан инде 2015 елдан бирле тапшырыла. Аның максаты –  «Сәләт» проектларында катнашкан сәләтле балаларны һәм яшьләрне ачыклау. 5 ел дәвамында премиядә 400дән артык кеше катнашкан һәм 40 җиңүче билгеләнгән.

«Сәмрух» премиясе 13 номинациядә тапшырыла: «Ел директоры», «Өлкән әйдаман», «Ел әйдаманы», «Ел аланы», «Ел сәлкеше», «Ел клубы», «Ел кулдашлары», «Форум җитәкчесе», «Ел остазы», «Сәләт җырлый» һ.б. Быел яңа номинация да өстәлгән – «Ел инициативасы».

Татарстан Республикасы яшьләр эшләре министрының беренче урынбасары Тимур Сөләйманов:

– Бу чара «Сәләт» өчен зур әһәмияткә ия. Җиңүчеләргә акчалата премия дә бирелә. Моның өчен махсус платформада акча җыелды. Күпме акча җыела – шуның кадәр тапшырыла. Беренче елны җиңүчеләр 20шәр мең алды. Быел барлыгы 300 мең сум акча тупланды, - дип сөйләде

2019 елда «Ел сәлкеше» номинациясендә җиңгән Ралинә Фаваризова акчаны нәрсәгә токанын да әйтте:

– «Сәмрух»та җиңү миңа үз-үземә ышаныч бирде. Быел «Ел сәлкеше» номинациясендә жюри буларак та катнаштым. Премия акчасына «Сәләт» аланнарына бардым. Башка елларда бер аланга гына барып булса, премия алгач, берничә аланда сәлкеш буларак катнашу бәхете тәтеде.

Әлеге премия ел саен тапшырыла. Гаризалар октябрь аенда кабул ителә башлый.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    740
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    665
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар