СМАРТФОННЫ НИЧЕК ДӨРЕС ИТЕП ДЕЗИНФЕКЦИЯЛӘРГӘ?

Смартфон, планшет телефоннар тормышыбзның аерылгысыз өлеше. Кайчак көннәр буе да кулдан төшермибез бит аларны. Соңгы вакыйгалар безне кулыбызны юып, йә булмаса антисептик белән ышкып куярга өйрәтте. Ә гаджетны ничек дөрес итеп дезинфекцияләргә?

Фактлар:

– Күп кеше үзенең гаджетларын бөтенләй дезинфекцияләми икән. Ни өченме? Зыян китерермен, ватырмын, дип курка. Ә бәлки, ялкауланалардыр?

– Телефоннарны без бик еш пычрак куллар белән тотабыз. Кайларга гына куймыйбыз... өстәвенә әле йөзебезгә якын китерәбез.

Искә төшерик:

– җәмәгать урыннарныда кул белән йөзне тотмаска киңәш ителә.

– кулларның чиста булуы хәзерге вәзгыятьтә бик мөһим: җәмәгать урыннарында булганнан соң кулны яхшылап, озаклап, сабынлап юабыз, аннан корытабыз.

– Кулларны юарга мөмкинлек булмаса, антисептик салфетка яки сыекчалар кулланабыз.

Телефонны ничек дезинфекцияләргә?

– Телефонны да антисептиклар белән сөртергә онытмыйбыз. Бигрәк тә аның йөзгә тиеп торган өлешен.

– Вирус, ОРВИ, корнавирус белән көрәшергә составында спирт булган чаралар ярдәм итәр. Аларны салфетка, кулъяулыкка агызабыз да, телефонны яхшылап сөртеп чыгабыз.

– Башка әйбер булмаса, спиртның үзен су белән сыеклатып та сөртергә була.

– Ә менә этил спирты яки водород перекисе белән сөртмәскә киңәш ителә. Алар телефонга зыян салырга мөмкин.

– Иң яхшысы – изопропил спирты.

– Телефонның чехолын да сөртергә кирәк.

– Урамда булып кергәннән соң бит, кул, телефонны дезинфекияләүдән тыш, калган башка әйберләрне дә сөртергә онытмыйбыз.