Ә СИН КУЛЫҢНЫ ДӨРЕС ИТЕП ЮАСЫҢМЫ?/ИНСТРУКЦИЯ

«Нинди сәер сорау бу?» дисеңме. Бу сорауны бирүебез юкка түгел. Яз грипп, төрле инфекцияләр эләктерү чоры. Өстәвенә бар җирдә “коронавирус” дип чаң кагалар. Шуңа күрә кулларны юу, ә тагын да төгәлрәге – КУЛЛАРНЫ ДӨРЕС ИТЕП ЮУ бик мөһим. Бу турыда тулырак безнең язмада.

Тәҗрибә

Кулларны яхшылап юу бик мөһим. Моны киләсе тәҗрибә дә раслый.

Кешенең кулына бактерияләрне хәтерләткән бер гель сылаганнар һәм кулны ультрашәмәхә камерага төшереп алганар. Аннан кулны юганнар да, суын селтәп кенә төшергәннәр. Фотога тагын бер төшергәннәр: куллар чистармаган.

Икенче этапта 6 секунд дәвамында кулларны сабынлап юганнар. 6 секунд кул юу өчен бик аз вакыт түгел анысы. Әмма бу проблеманы хәл итмәгән: кул тулысынча чистармаган. Әмма “бактерияләр” бераз кимегән. Сабын бактерияләрне үтерми, билгеле, әмма тиредән юып төшерә ала.

Иң оптималь вакыт – ул 15 секунд. Кулларыгыз белән битегезгә кагылырга яратсагыз, бигрәк тә яхшылап юарга кирәк булачак.

Ә инде иң шәбе - кулларны 30 секунд дәвамында юу. Күпме генә озак булып тоелса да. Яхшылап юып, яхшылап корытканнан соң, куллар, ниһаять, чистарган. Дымлы куллар – бактерияләрнең яраткан тирәлеге.

Кулны ничек юу дөрес?

Тикшеренүләр һәм сораштырулар күрсәткәнчә, күп кеше кулны ничек дөрес итеп юарга кирәклеген белми. Ничек кенә абсурд яңгыраса да, кул юуның чыннан да кагыйдәләре бар. Бу процедурадан файда булсын өчен кул юганда түбәндәгеләрне истә тоту шарт:

  1. Кулларны агып торган җылымса су астына куябыз, әйбәтләп юешлибез.
  2. Кулга сабын алабыз һәм уч төпләре ярдәмендә яхшылап күбекләндерәбез.
  3. Аннан соң кулның бөтен җирен дә сабынлап, яхшылап юабыз. Күбек бөтен җиргә дә тияргә тиеш.
  4. Бармак араларын, тырнак астындагы тирене аеруча ныклап юу кирәк.
  5. Кул беләзеге (запястье) турында да онытмаска кирәк.
  6. Кул юу процессы ким дигәндә 20 секунд дәвам итәргә тиеш.
  7. Ахырдан сабынны яхшылап юып төшерәбез.
  8. Һәм кулларны гадәти сөлге яки кәгазь  салфетка белән корытабыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    999
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    830
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    797
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019