СИН БЕЛЕРГӘ ТИЕШ КАГЫЙДӘЛӘР

Әти-әниләребез яшь чакларында бу турыда уйламаган да, ә менә безнең һәрберебез өчен әлеге заманча этикет кагыйдәләре бик мөһим! Шуңа күрә кереп танышып чык әле, бу сорауларны үз-үзеңә бик еш бирүеңә бер шигебез дә юк. Ә без аларга җавап әзерләп куйдык. ;-)

Ашаган вакытта телефоны өстәлгә куярга ярыймы?




Үзең генә ашамыйсың икән, телефон өстәлдә торырга тиеш түгел. Тагын да шәбе – телефонның тавышын сүндереп кую. Әгәр андый мөмкинлек булмаса, аны читкәрәк алып куйсаң да җитеп торыр. Гаджетыңның һәрдаим “безелдәп” торуы аралашуга комачаулаячак, дусларыңның (башка кеше булырга да мөмкин) нәрсә әйткәнен күп чоракта ишетми калачаксың. Фото төшерергә телисеңме? Теләгәч, төшер. Тик аннан кабат телефоныңны алып куярга онытма ;-)

Хатларга күпме вакыт эчендә җавап бирергә кирәк?


Монысы инде һәр илнең үз менталитетына бәйле. Мисал өчен венгр һәм латышлар бу эшне бик акрын башкара. Этикет белгече Джоди Р. Р. Смит эшлекле хатларга 2 тәүлек эчендә җавап бирү кирәк ди. Ә менә формаль булмаган гадәти хатлар бер атнага кадәр дә көтеп тора ала икән.

Егетең (кызың) белән очрашу вакытында смс язарга һәм кемдер шалтратса, җавап бирергә ярыймы?




Кыска һәм төгәл итеп әйткәндә – ЮК. Егетең яки кызыңның “дуслары миңа караганда мөһимрәк” дип уйлавы бар. Әгәр инде әниең бер-ике сәгать кенә сиңа шалтратмыйча тора алмый икән, бу турыда егетеңә (кызыңа) аңлатырга тырыш һәм әниең белән сөйләшеп ал.

Хат язганда кешегә ничек мөрәҗәгать итәргә?


Эшлекле хат язасың икән, хатның “Исәнмесез!”, “Хәерле көн!” кебек сүзләрдән башланасы көн кебек ачык. Аннан инде әлеге кешедән килгән хат ахырындагы язуга игътибар итәргә кирәк: әгәр кеше “Марат” дип язган икән, син дә шулай яз, ә менә “Марат Илфатович” икән, димәк син дә шулай дәшәргә онытма.

Җәмәгать транспортында телефонның тавышын кысаргамы?




Этикет кагыйдәле буенча кысарга кирәк. Транспортта барганда телефон шалтраса артык кычкырмыйча, тиз генә җавап бирү яхшы. Ә инде музыка тыңлаганда, видео караганда наушниклар кияргә кирәклеге турында әйтеп тә торасы юк.

Әңгәмәгә килгәндә ничек киенергә?


Майка һәм джинс чалбардан йөри торган коллективка эшкә урнашсаң да, алар кебек киенеп килергә кирәк түгел. Кигән киемең җитди стильдә һәм пөхтә булсын. Җитди кеше булып күрененргә теләсәң, бигрәк тә ;-) Кигән киемең үз-үзеңне тотышыңда да чагылыш табачак. Анысын да онытмаска кирәк. Үзеңне акыллы һәм кирәкле кеше итеп тоярга телисең икән, ничек киенергә кирәклеген үзең аңлыйсыңдыр ;-)

Нинди фотоларны Инстаграмга урнаштырырга ярамый?


Һәр кеше инста-акаунтына нәрсә урнаштыру-урнаштырмавы - үз шәхси эше. Шулай да анда куяр алдыннан “җиде кат уйлап бер кат кисүең” яхшы. Интернетка урнаштырырлган барлык мәгълүмат саклана (син бетердем дип уйласаң да). Бүген урнаштырган бик үк юньле булмаган фото сине киләчәк тормышыңда, эшеңдә кыен хәлдә калдырырга мөмкин. Шуңа исеңнән чыгарма.

Интернеттан танышкан кеше белән тормышта күрешү куркыныч түгелме?


Озак вакыт дәвамында аның белән аралашкансыз икән, ул кеше турында ниндидер күзаллау була, тик болар барысы да өлешчә генә. Орчрашуга барыр алдыннан әлеге кеше турында булдыра алган кадәр күбрәк мәгълүмат тупларга тырыш. Һәм әлбәттә инде үзеңнең кайда һәм кем булың турында берәр кешегә әйтеп китәргә онытма.

Сиңа кызыклы булмаган кеше белән аралашуны ничек туктатырга?




“Гафу ит, тик без синең белән бер-беребезгә бик үк туры килеп бетмибез бугай”, - сүзләре ярдәм итәр. Тик моннан соң ул кешенең ни дип җавап бирәсен белмибез, шуңа күрә барсына да әзер бул.

Элеккеге йөргән егет (кызны) социаль челтәрдән бетерү кирәкме?


Әгәр һәрдаим аның фото, язмаларының каршыңа килеп чыгуы сине сөендерми икән, бетер. Икегезнең дә яңа тормыш башланды һәм сезгә бер-берегездән башка яшәргә күнегергә кирәк, әгәр инде ул кеше гел сиңа очрап тора икән, бу мөмкин түгел.

Беренче очрашудан соң егет (кызга) кайчан язарга кирәк?


“Өч көн эчендә” дигән җавап бүгенге көнгә инде туры килми. Әгәр кеше ошаган икән, кайтып җитүгә дә, иртән торгач та язарга мөмкин.

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019