КАРИЕВ ТЕАТРЫНДА – “ШӘЙ-БҮ!”

Габдулла Кариев исемендәге Казан Татар дәүләт яшь тамашачы театры быелгы сезонда шактый премьера белән шаккаттырды. Чираттагысы – 28, 29 мартта булачак “Шәй-бү” комедиясе. Камил Кәримов пьесасы буенча сәхнәләштерелгән спектакльне театрның баш режиссеры Ренат Әюпов куя. Постановка нәкъ менә аның 55 яшьлек юбилее уңаеннан куела да инде.

- 55 саны – ике “5”ле алу. Минем иҗат юнәлешемә ике “5”ле куясым килде. Исән чакта үзеңнең туган көнеңә шундый бүләк ясау – яхшы әйбер. Сыйфатлы пьеса булса, бу – зур бәйрәм. Ел саен андый әсәр килеп тормый, – дип башлады сүзен Россиянең атказанган артисты, Татарстанның атказанган сәнгать эшлеклесе Ренат Әюпов.



Әлеге спектакльнең премьерасын театрда түземсезлек белән көтәләр. Г. Кариев театры директоры Гүзәл Сәгыйтова фикеренчә, бер яктан ниндидер билгесезлек булса, икенче яктан зур җаваплылык, Ходайга тапшыру да бар икән.

Г. Тукай премиясе лауреаты, прозаик Камил Кәримов өчен бу пьеса – зур театрга беренче адым. Ренат Әюпов белән бер авылда бер чишмә суын эчеп үссәләр дә, моңа кадәр бер пьеса буенча эшләгәннәре булмаган. Режиссер мондый тәкъдим белән чыкмаса, бәлки, бу пьеса тумаган да булыр иде әле. Ә инициатива булгач, җиң сызганып эшкә тотынган Камил абый. Пьеса өчен төзәтмәләрне төнлә WhatsApp аша да җибәрә торган булган ул хәтта! Драматургия аның хыялы булган. Ә хыяллар чынга аша. “Спектакльнең прогонын күзәттем. Үзем язган әсәрнең финалын караганда, рәхәт булып китте. Пьесаның тәэсир итүе көчле”, – ди Камил Кәримов.

«Шәй-бү!» спектакленең жанры – спорт комедиясе. Тик шулай булса да, биредә спорт төп урынны алмый, һәм сүз профессиональ спорт турында бармый. Әлеге спектакльдә егетләр дә, әби-карчыклар да хоккей уйный. Бу постановка әби-карчыкларның рухи байлыгы, спорт аркылы рухи берләшүе турында. Спектакльнең исеме дә тик торганда гына “Шәй-бү!” дип аталмый. Бу – сүз уйнату, ирония. Башта спектакль “Минем иркәм умартачы” яки “Егет сүзе чын алка” дип аталырга тиеш булган. Соңыннан шушы яңгыраешлы исемгә тукталганнар.

Спектакльдә хоккей уйналгач, билгеле, белгечләргә дә мөрәҗәгать итәргә туры килә кариевлыларга. Әсәрне сәхнәгә чыгарганчы, “Ак Барс” хоккей академиясендә кече яшьтәге мәктәп балаларын тәрбияләүче тренер Олег Тарасов белән киңәшләшә алар. Хоккей кәшәкәсен дөрес тоту, экипировкаларны дөрес кию – боларның барысына да шушы белгеч өйрәткән. Спектакльне “Ак Барс” хоккей клубына күрсәтү турындагы сорауга режиссер да, директор да әле анык кына җавап бирмәде. “Премьера узсын, аннары карарбыз”, ди алар.

“Шәй-бү”дәге вакыйгалар Гөлестан авылында бара. Шуңа әбиләрнең исемнәре дә чәчәк атамалары белән тәңгәл: Сиринә, Ландыш, Миләүшә, Резедә, Сөмбелә, Гөлчәчәк.

-“Шәй-бү!” өчен әбиләр костюмнары махсус тегелде. Бу – минем икенче әби ролем. Мин шулай ук “Нигез ташлары”нда Гөлҗиһан ролен башкарам. Рольгә кереп китү авыр булмады. Үзеңнең әби булуыңа үзең ышансаң, тамашачыны да ышандырып була. Кайвакыт тормышта да билләр авыртып куя, ул вакытта үзеңне әби итеп хис итәсең. Егетләр роликларда йөри. Без, әби ролен башкаручы актрисалар, хоккейны итекләр белән шуып уйныйбыз. Үземнең хоккей уйнаганым булмаса да, улым белән бергә хоккей карарга йөрибез, – дип елмая спектакльдә Сөмбелә әби ролен уйнаучы  актриса Гөлнара Фазылҗанова.

Спектакльгә көйне Зөлфәт Вәлиуллин язган. “Калеб” яңа буын җыены аша танылган сәләтле композиторның бу – профессиональ театрда беренче иҗади эше. Биюләрне “Алтын маска” милли театр премиясе лауреаты Нурбәк Батулла куйган.

Алинә МИННЕВӘЛИЕВА

Фотолар Г. Кариев театры сайтыннан алынды.

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    5104
    2
    102
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2974
    1
    91
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2583
    0
    63
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1922
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1621
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    114
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    117
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019